బిగ్ బాస్ 6 ప్రోమో రెడీ?

బిగ్ బాస్ 5 సీజన్స్ హిట్ అవడంతో సీజన్ 6 కోసం బిగ్ బాస్ యాజమాన్యం కొత్తగా, భారీగా ప్లాన్ చేస్తుంది అనే టాక్ ఎప్పటినుండో వినిపిస్తుంది. పేరున్న సెలబ్రిటీస్ కోసం బిగ్ బాస్ యాజమాన్యం ట్రై చేస్తున్నట్టుగా తెలుస్తుంది. అయితే సీజన్ 6 ని ఆగష్టు నుండి మొదలు పెట్టే యోచనలో ఉన్నారని, రీసెంట్ గా అన్నపూర్ణ స్టూడియోస్ లో వేసిన బిగ్ బాస్ హౌస్ సెట్ లో హోస్ట్ గా చెయ్యబోయే నాగార్జున తో ప్రోమో షూట్ చేసినట్లుగా తెలుస్తుంది. అంటే ఈ వారంలోనే బిగ్ బాస్ ప్రోమో ని వదులుతారేమో. స్టార్ మా లో ప్రసారం కాబోయే బిగ్ బాస్ సీజన్ 6 పై బుల్లితెర ప్రేక్షకులు ఆతృతగా ఉన్నారు.

అందుకే యాజమాన్యం కూడా సెప్టెంబర్ కాకుండా ఆగష్టు నుండే మొదలు పెట్టాలని, ఆగస్టు లాస్ట్ వీక్ నుండి బిగ్ బాస్ సీజన్ 6 లైవ్ లోకి తేవాలనే ప్రయత్నాల్లో ఉన్నారట. ఇప్పటికే సీజన్ 6 లోకి వెళ్లబోయే వారి పేర్లు ఫైనల్ చేస్తున్నారని, వాళ్ళ ఏవి షూట్స్ కూడా ప్లాన్ చేసుకుంటున్నారని, సామాన్యులకి పెద్ద పీట అంటూ హడావిడి కూడా చేస్తున్నారు. మరి బిగ్ బాస్ ప్రోమో కూడా వదిలితే షో పై అంచనాలు పెరుగుతాయి.