బాలీవుడ్ స్టార్ డైరెక్టర్ పై లైంగిక ఆరోపణలు..

మీటూ ఉద్యమం గురించి అందరికీ తెలిసిందే. సినిమా ఇండస్ట్రీలో లైంగిక వేధింపులకి గురైన హీరోయిన్లు ఒక్కొక్కరుగా బయటకి వచ్చి తమకి జరిగిన అన్యాయాన్ని బయటపెట్టారు. హాలీవుడ్ లో మొదలైన ఈ ఉద్యమం బాలీవుడ్, టాలీవుడ్ దాకా సాగింది. బాలీవుడ్ లో చాలామంది సెలెబ్రిటీలు ఈ ఆరోపణలు ఎదుర్కొన్నారు. అప్పట్లో బాలీవుడ్ డైరెక్టర్ సాజిద్ ఖాన్ పై ఈ ఆరోపణలు వచ్చాయి. 

ఇద్దరు నటీమణులు సహా ఒక జర్నలిస్ట్ సాజిద్ ఖాన్ పై ఇలాంటి ఆరోపణలు చేసారు. ఈ నేపథ్యంలో సాజిద్ ఖాన్ ని హౌస్ ఫుల్ సినిమా నుండి తప్పించారని వినబడింది. ఐతే తాజాగా ఈ డైరెక్టర్ పై లైంగిక ఆరోపణలు ఆరోపణలు వస్తున్నాయి. మోడల్ డింపుల్ పాలా తన ఇన్స్టాగ్రామ్ పోస్టులో ఈ విషయాలని బయటపెట్టింది. 

హౌస్ ఫుల్ సినిమా సమయంలో సాజిద్ ఖాన్ తనని లైంగికంగా వేధించాడని, అనవసరంగా తాకేవాడని, ఇంకా విపరీత చేష్టలు చేసాడని చెప్పుకొచ్చింది. పదిహేడేళ్ల వయసులో తనకి ఏం చేయాలో తెలియలేదనీ, ఇండస్ట్రీలో గాడ్ ఫాదర్ లేకపోవడం వల్ల ఆ విషయాలని అప్పుడు బయటకి చెప్పలేదని తెలిపింది.ప్రస్తుతం డబ్బు సమస్య తనకేం లేదనీ, ఇంకా తన పేరెంట్స్ తనతో పాటు లేరనీ, అలాంటి వారి వల్ల ఇండస్ట్రీకి రావాలని కలలు కన్న ఇబ్బంది కలుగుతుందని, అందుకే ఇప్పుడు బయటకి వచ్చి చెబుతున్నానని ముగించింది.