అనుష్క నెక్స్ట్ హీరో అతనేనా..?

అనుష్క టాలీవుడ్ కి పరిచయమై పదిహేను సంవత్సరాలు అయింది. ఈ నేపథ్యంలో పదిహేను సంవత్సరాల సెలెబ్రేషన్ ని కూడా జరిపారు. ఒక హీరోయిన్ ఇన్నేళ్ళు సినిమా ఇండస్ట్రీలో నెగ్గుకురావడం అంటే చిన్న విషయం కాదు. ఈ పదిహేనేళ్ళలో ఆమె ఖాతాలో ఎన్నో విజయాలు ఉన్నాయి. స్టార్ హీరోలందరి పక్కన నటించింది. అలాగే లీడ్ రోల్ లోనూ నటించి విజయాలు అందుకుంది.

అనుష్క అనగానే అందరికీ జేజమ్మే గుర్తుకువస్తుంది. అంతలా ఆ పాత్రలో ఒదిగిపోయింది అనుష్క. అయితే బాహుబలి వంటి పాన్ ఇండియన్ మూవీలో నటించిన తర్వాత హీరో పక్క హీరోయిన్ గా కాకుండా లేడీ ఓరియంటెడ్ సినిమాలే ఎంచుకుంటుంది. బాహుబలి తర్వాత సైజ్ జీరో, భాగమతి, ఆ తర్వాత ప్రస్తుతం నిశ్శబ్దం.. ఇలా అన్నీ లేడీ ఓరియంటెడ్ సినిమాలే ఎంచుకుంటుంది.

అయితే ఇప్పుడు ఆమె హీరో పక్కన హీరోయిన్ గా నటించనుందట. తమిళ స్టార్ హీరో అయిన అజిత్ పక్కన అనుష్క హీరోయిన్ గా నటించనుందని వార్తలు వస్తున్నాయి. ఈ సినిమాని ప్రేమకథా చిత్రాల దర్శకుడు గౌతమ్ వాసుదేవ మీనన్ దర్శకత్వం చేస్తున్నట్లు చెబుతున్నారు. మరి ఇదే గనక నిజమైతే చాలా లాంగ్ గ్యాప్ తర్వాత అనుష్క హీరో పక్కన చేస్తున్న చిత్రం అవుతుంది.