భారీ చిత్రంలో త్రిషకు బంపరాఫర్..!!

త్రిష.. ఒకప్పుడు టాలీవుడ్‌‌ను ఓ ఊపు ఊపింది.. జూనియర్లు, సీనియర్లు, స్టార్ హీరోలు అనే తేడా లేకుండా అందరి సరసన నటించి ఎంతో మంది అభిమానులను సంపాదించుకుంది. ఇలా చాలా సినిమాలు సూపర్ డూపర్ హిట్టవ్వడంతో ఒకానొక సందర్భంలో టాలీవుడ్‌లో స్టార్ హీరోయిన్‌ రేంజ్‌కు వెళ్లింది. అయితే ఈ ఫేమ్‌ ఎన్నో రోజులు నిలబడలేదు.. త్రిష తర్వాత కొత్త కొత్త నటీమణులు రావడం.. అవకాశాలన్నీ తన్నుకుపోవడంతో టాలీవుడ్‌కు ఈ ముద్దుగుమ్మ టాటా చెప్పేసి కోలీవుడ్‌కే పరిమితమైంది. తమిళ్‌లోనూ మంచి మంచి కథలు ఎంచుకున్న ఈ బ్యూటీ అదే ఫేమ్‌తో ముందుకెళ్తోంది.

ఇక అసలు విషయానికొస్తే.. దక్షిణాది ప్రముఖ దర్శకుడు మణిరత్నం ‘పొన్నియన్ సెల్వన్’ అనే చిత్రాన్ని తెరకెక్కిస్తున్న సంగతి తెలిసిందే. ఈ సినిమాలో నటించాలని మణిరత్నం నుంచి త్రిషకు పిలుపొచ్చిందని సమాచారం. మణిరత్నం సినిమా కావడం.. అందులోనూ కీలక పాత్ర కావడంతో ఏ మాత్రం ఆలస్యం చేయకుండా ఈ భామ ఒప్పేసుకుందట. అంటే త్రిష లక్కీ చాన్స్ కొట్టేసినట్లే మరి. ఈ బంపరాఫర్‌తో త్రిష ఆనందానికి అవధుల్లేవట. కాగా.. ఇప్పటికే అందానికే కేరాఫ్‌గా పేరుగాంచిన ఐశ్వర్యరాయ్, మోహన్‌బాబు, కార్తీ, జయం రవిని మణిరత్నం తీసుకుంటున్నట్లు ప్రకటించిన విషయం విదితమే.