Advertisement

పోస్ట‌ర్ మాత్ర‌మే ఉల్టా అయిందా లేక‌..!

ram ismart shankar become ulta

Fri 04th Jan 2019 06:37 PM
ram,ram pothineni,puri jagannadh,charmi,puri jagannadh touring talkies,puri connects,charmi,ismart shankar,ismart shankar first look,  పోస్ట‌ర్ మాత్ర‌మే ఉల్టా అయిందా లేక‌..!
ram ismart shankar become ulta పోస్ట‌ర్ మాత్ర‌మే ఉల్టా అయిందా లేక‌..!
Advertisement

రామ్, పూరి జ‌గ‌న్నాథ్‌ల తొలి క‌ల‌యిక‌లో వ‌స్తున్న మూవీ `ఇస్మార్ట్‌ శంక‌ర్‌`. పూరీ క‌నెక్ట్స్‌, పూరిజ‌గ‌న్నాథ్ టూరింగ్ టాకీస్ బ్యాన‌ర్‌ల‌పై పూరిజ‌గ‌న్నాథ్‌, ఛార్మింగ్ డాల్ ఛార్మి సంయుక్తంగా ఈ చిత్రాన్ని నిర్మిస్తున్నారు. పూరి త‌న పంథాకు భిన్నంగా హార‌ర్ జోన‌ర్ నేప‌థ్యంలో ఈ సినిమాను చేయ‌బోతున్నాడు. ప‌క్కా హైద‌రాబాదీ క‌థ‌తో అదే లాంగ్వేజ్‌తో ఈ సినిమాను ముంచెయ్య‌బోతున్నాడు పూరి. ఈ చిత్రానికి సంబంధించిన ఫ‌స్ట్‌లుక్ పోస్ట‌ర్‌ను. ఛార్మి త‌న ట్విట్ట‌ర్ ద్వారా విడుద‌ల చేసింది.

`డ‌బుల్ దిమాక్ హైద‌రాబాదీ` అనే ట్యాగ్‌లైన్‌తో రాబోతున్న ఈ సినిమాకు సంబంధించి రెండు లుక్‌లు బ‌య‌టికి వ‌దిలారు. అందులో ఒక‌టి స్ట్రెయిట్ లుక్‌తో వుంటే మ‌రొక‌టి కావాల‌నే త‌ల‌క్రిందులుగా ఉల్టాచేసి విడుద‌ల చేశారు. ఈ పోస్ట‌ర్ చూసిన వాళ్లంతా  రామ్ లుక్ చాలా స్టైలిష్‌గానే వుంది అంటూనే పోస్ట‌ర్ మాత్ర‌మే ఉల్టా అయిందా లేక సినిమాలోని కంటెంట్ కూడా పోస్ట‌ర్ త‌ర‌హాలోనే  ఉల్టాప‌ల్టా కాబోతోందా? అని సెటైర్లు వేస్తున్నారు. అలా అయ్యే స‌మ‌స్యే లేద‌ని, ఈ సినిమాతో పూరి ఖ‌చ్చితంగా హిట్టుకొట్టాల‌నే క‌సితో వున్నాడ‌ని పూరి బ్యాచ్ స్ట్రాంగ్‌గా చెబుతోంది. 

రామ్ కెరీర్‌లో ఇప్ప‌టి వ‌ర‌కు మెచ్యూర్డ్ క్యారెక్ట‌ర్ ఒక్క‌టీ చేయ‌లేదు. ఆ లోటును ఈ సినిమా తీర్చ‌నుంద‌ని తెలిసింది. ప‌క్కా తెలంగాణ పోర‌డిగా క‌నిపించ‌బోతున్న రామ్‌కు ఈ సినిమా హిట్ కావ‌డం ఎంత అవ‌స‌ర‌మో, ద‌ర్శ‌కుడు పూరి జ‌గ‌న్నాథ్‌కు కూడా అంతే అవ‌స‌రం. ఆ విష‌యాన్ని దృష్టిలో పెట్టుకుని తెలంగాణ సెంటిమెంట్ ని క్యాష్ చేసుకుంటూ ఈ సినిమాతో పూరి భారీ బ్లాక్ బ‌స్ట‌ర్‌కు స్కెచ్ వేసిన‌ట్టుగా చెబుతున్నారు. మ‌రి పూరి స్కెచ్ ఎంత వ‌ర‌కు ఫ‌లిస్తుందో చూడాలంటే మ‌రి కొన్ని నెల‌లు వేచి చూడాల్సిందే.

ram ismart shankar become ulta:

ismart shankar ulta first look


Loading..
Loading..
Loading..
advertisement