‘దేవ్’ డిటైల్స్ వచ్చేశాయ్

కార్తి, ర‌కుల్ ప్రీత్‌ల ‘దేవ్’ షూటింగ్ పూర్తి.. సంక్రాంతికి ఆడియో, ఫిబ్ర‌వ‌రిలో సినిమా.. 

కార్తి, ర‌కుల్ ప్రీత్ సింగ్ జంట‌గా న‌టిస్తున్న దేవ్ సినిమా షూటింగ్ పూర్త‌యింది. ఈ చిత్ర పోస్ట్ ప్రొడ‌క్ష‌న్ ప‌నులు మొద‌ల‌య్యాయి. రాజ‌త్ ర‌విశంక‌ర్ ఈ యాక్ష‌న్ ఫ్యామిలీ డ్రామాను తెర‌కెక్కిస్తున్నారు. ఇప్ప‌టికే విడుద‌లైన దేవ్ ఫ‌స్ట్ లుక్ కు అద్భుత‌మైన రెస్పాన్స్ వ‌చ్చింది. సంక్రాంతి కానుక‌గా దేవ్ ఆడియోను విడుద‌ల చేయాల‌ని ప్లాన్ చేస్తున్నారు చిత్ర‌యూనిట్. సినిమా ఫిబ్ర‌వ‌రిలో విడుద‌ల కానుంది. ఈ చిత్రంలో ప్ర‌కాశ్ రాజ్, రమ్య‌కృష్ణ కీల‌క పాత్ర‌ల్లో న‌టిస్తున్నారు. నిక్కి గర్లానీ సెకండ్ హీరోయిన్ గా న‌టిస్తున్నారు. చెన్నై, హిమాల‌యాస్, హైద‌రాబాద్, ముంబైలోని అంద‌మైన ప్ర‌దేశాల్లో ఈ చిత్రాన్ని చిత్రీక‌రించారు ద‌ర్శ‌కుడు ర‌జ‌త్. హ‌రీష్ జ‌య‌రాజ్ సంగీతం అందిస్తుండ‌గా.. వేల్రాజ్ సినిమాటోగ్ర‌ఫీ అందిస్తున్నారు. ప్రిన్స్ పిక్చ‌ర్స్ సంస్థ దేవ్ చిత్రాన్ని నిర్మిస్తున్నారు. రిల‌యన్స్ ఎంట‌ర్‌టైన్‌మెంట్స్ ఈ చిత్రాన్ని స‌మ‌ర్పిస్తుంది.