‘పెట్టా’కి, నాకు సంబంధం లేదు: నిర్మాత

‘‘సూపర్ స్టార్ రజినీకాంత్ గారి ‘పెట్టా’ చిత్రం తెలుగు హక్కులు సి కళ్యాణ్  తీసుకున్నట్టు, రిలీజ్ డేట్ మార్చమని అడిగినట్లు మీడియాలో వార్తలు వస్తున్నాయి. ఆ చిత్రం రైట్స్ కి తనకి ఎంత మాత్రం సంబంధం లేదనే విషయాన్ని క్లారిఫై చేశాడు కళ్యాణ్. ఈ వార్తల్లో నిజం లేదనే విషయాన్ని సన్ పిక్చర్స్ వారికి కూడా తెలియచేశాను అని చెబుతున్నాడు. సూపర్ స్టార్ రజినీకాంత్ గారంటే నాకెంతో గౌరవం. ఆయనతో చిత్రాలు చేయాలని అందరికీ ఉంటుంది. అయితే ఈ చిత్రం రైట్స్ గురించి నేను ఎలాంటి చర్చలూ జరపలేదు.’’ అని ప్రముఖ నిర్మాత సి.కళ్యాణ్ స్పష్టం చేస్తూ  ‘పెట్టా’ చిత్రం రైట్స్ విషయంలో వస్తున్న వార్తల్ని ఖండించారు.