RRR: ఈ వార్తలు నిజమేనా..?
One More Gossip on RRR Movieప్రస్తుతం దేశమొత్తం ఎంతో ఎదురుచూస్తున్న మోస్ట్‌ ఎవైటెడ్‌ మూవీ ‘బాహుబలి’ తర్వాత రాజమౌళి దర్శకత్వంలో ఎన్టీఆర్‌, రామ్‌చరణ్‌లు నటించే అసలు సిసలైన మల్టీస్టారర్‌ అనే చెప్పాలి. ఇటీవలే ఈ చిత్రం మొదటి షెడ్యూల్‌ పూర్తయింది. హైదరాబాద్‌ శివార్లలో సెట్స్‌వేసి యాక్షన్‌ సన్నివేశాలను కనీవినీ ఎరుగని రీతిలో వందలాది కెమెరాల నడుమ చిత్రీకరించారు. ఎక్కువభాగం షూటింగ్‌ ఈ సెట్స్‌లోనే జరగనుండటంతో జక్కన్నఈ సెట్స్‌లోనే తన కోసం ఏకంగా ఓ ఇంటిని నిర్మించుకున్నాడని కూడా వార్తలు వచ్చాయి.
ఇక ఈ చిత్రం ఏ ముహూర్తాన బయటకు వచ్చిందో గానీ ఈ మూవీ గురించి రోజుకో వార్త దేశవ్యాప్తంగా హల్‌చల్‌ చేస్తోంది. తాజాగా ఈ మూవీ ఆంగ్లేయులు కాలం నాటి బ్యాక్‌డ్రాప్‌తో రూపొందుతోందని వార్తలు వస్తున్నాయి. రామ్‌చరణ్‌ బ్రిటిష్‌ కాలం నాటి పోలీస్‌ అధికారి పాత్రను పోషిస్తుండగా, ఎన్టీఆర్‌ ఓ ముస్లిం యువకుడైన బందిపోటు దొంగ పాత్రలో నటిస్తున్నాడని తాజాగా వార్తలు షికార్లు చేస్తున్నాయి. ఇందులో రామ్‌చరణ్‌, ఎన్టీఆర్‌లు నటిస్తూ ఉండటం, రాజమౌళి దర్శకత్వం వహిస్తుండగా, దానయ్య నిర్మాత, విజయేంద్రప్రసాద్‌ కథ, కీరవాణి సంగీతం మినహా మిగిలిన ఏ విషయంపై కూడా క్లారిటీ లేదు.
ఏ విషయమైనా రాజమౌళి నోరు విప్పితే గానీ బయటకు రాదు. అప్పటివరకు వీటన్నింటినీ గాలి వార్తలు గానే పరిగణించాల్సి వుంటుంది. మరి రాజమౌళి ఈ చిత్ర సంగతులపై ఎప్పుడు స్పందిస్తాడో వేచిచూడాల్సివుంది..!
Again Rumours on RRR Movie
