హాలీవుడ్లో హీట్ పుట్టిస్తున్న బాలీవుడ్ భామలు..!
బాలీవుడ్లో స్టార్హీరోల కంటే ఎక్కువ క్రేజ్ ఉన్న టాప్ హీరోయిన్లు దీపికాపడుకొనే, ప్రియాంకాచోప్రా. వీరిద్దరు ప్రస్తుతం హాలీవుడ్ బాట పట్టిన సంగతి తెలిసిందే. ఇప్పటికే దీపికా నటిస్తోన్న 'ట్ర్రిపుల్ ఎక్స్' చిత్రం టీజర్ విడుదలై సంచలనం సృష్టించింది. కానీ ఈ టీజర్లో ఆమె కేవలం కొద్ది సెకన్లు మాత్రమే కనిపించింది. ఆ రెండు మూడు సెకన్లలోనే ఆమె తన హాట్లుక్స్తో హీట్ పుట్టించింది. ఈ చిత్రంలో ఆమె పలు యాక్షన్ సీన్స్ చేయనుంది. దీంతో ఆమెపై ఎక్కువ ఫోకస్ పెడుతూ త్వరలో మరో టీజర్ విడుదల కానుంది. ఇక ప్రియాంకాచోప్రాది కూడా అదే దారి. ఆమె 'బేవాచ్' సిరీస్ చిత్రంలో నటిస్తోంది. ఇందులో హీరోగా డ్వేన్జాన్సన్ నటిస్తున్నాడు. ఈ చిత్రం టీజర్ కూడా తాజాగా విడుదలైంది. మొత్తం 30 సెకన్ల నిడివి ఉన్న ఈ టీజర్లో ప్రియాంకా కనిపించింది కూడా కేవలం మూడుసెకన్లే. అయితే ఈ మూడుసెకన్లలోనే ఆమె తన క్లీవేజ్ షోతో మతులు పోగొడుతోంది. కాగా ఈ చిత్రంలో ఆమె మెయిన్ విలన్ క్యారెక్టర్ను పోషించనుండటం విశేషం. త్వరలో ఆమెపై కూడా ఓ ప్రత్యేక టీజర్ను రిలీజ్ చేయనున్నారు. ఈ చిత్రం వచ్చే ఏడాది మేలో ప్రపంచవ్యాప్తంగా విడుదల కానుంది. మరి ఈ రెండు చిత్రాలు హిట్ అయితే ఈ ఇద్దరు ముద్దుగుమ్మలను భారతీయ సినీ పరిశ్రమ మర్చిపోవాల్సిందే. ఎందుకంటే ఈ చిత్రాలు సక్సెస్ అయితే ఇక వారు హాలీవుడ్లోనే తమ కెరీర్ను కొనసాగించాలని కోరుకుంటున్నారు.సో.. వారు ఇండియన్ స్క్రీన్ మీద కనిపించకపోయిన హాలీవుడ్ చిత్రాల ద్వారా మాత్రం మన మతులను పొగొట్టకుండా ఉండరు కదా..!
