దీపా బీఎండబ్ల్యూతో ఆ రోడ్లకు మోక్షం..!

భారత జిమ్నాస్ట్ దీపా కర్మాకర్ బీఎండబ్ల్యూ  కారు కోసం  ఆమె నివాస ప్రాంతంలో ముఖ్యంగా రోడ్లు బాగు చేయిస్తున్నారు అధికారులు. దీపా కర్మాకర్ ఇంటివద్ద నుండి అంటే అభోయ్నగర్ ప్రాంతంలో ఉన్న రోడ్లన్నింటినీ ఈ సందర్భంగా బాగు చేయిస్తున్నట్లు మున్సిపాలిటీ అధికారులు ప్రకటించారు. వెంటనే ఆమె ఇంటి నుంచి అగర్తలా మెడికల్ కాలేజి వరకు ఉన్న రోడ్ల మరమ్మతుల కోసం ప్రభుత్వం రూ. 78కోట్లు కేటాయించినట్లు తెలుస్తుంది.  కాగా తన బీఎండబ్ల్యూ కారు ద్వారా  అయినా ఈ రోడ్లకు మోక్షం రావడంతో ఈ విషయంపై  దీపా కర్మాకర్ స్పందించింది.  ఈ విధంగానైనా తమ ఊరి రోడ్లు బాగుపడుతున్నందుకు చాలా సంతోషాన్ని వ్యక్తం చేసింది.  ఇంకా ఆమె ఈ విషయంపై స్పందిస్తూ...  నిజంగా తాను ఆ కారును మెయింటెన్ చేయలేకే తిరిగి ఇచ్చేద్దామనుకున్నానని, ఇందుకు కేవలం రోడ్లు  మాత్రమే కారణం కాదని, ఇంకా కారు నిర్వహణ సర్వీసింగ్ లాంటివన్నీ కూడా సమస్యగానే ఉన్నాయని ఆమె వివరించింది.