కొరటాల ఫుల్ క్లారిటీ ఇచ్చేశాడు..!
'మిర్చి, శ్రీమంతుడు' చిత్రాలతో బ్లాక్బస్టర్ హిట్స్ని ఇచ్చిన రైటర్ టర్న్డ్ డైరెక్టర్ కొరటాల శివ ప్రభాస్, మహేష్బాబులకు ఇండస్ట్రీ రికార్డులను అందించాడు. ప్రస్తుతం కొరటాల.. ఎన్టీఆర్, మోహన్లాల్, సమంత, నిత్యామీనన్లతో మైత్రి మూవీస్ పతాకంపై 'జనతాగ్యారేజ్' చిత్రాన్ని తెరకెక్కిస్తున్నాడు. వేగంగా షూటింగ్ జరుపుకుంటున్న ఈ చిత్రం ఆగష్టు 12న విడుదలకు సిద్దమవుతోంది. జూన్ 15 కొరటాల శివ జన్మదినం. ఈ సందర్భంగా ఆయన దర్శకత్వం వహించబోయే తదుపరి రెండు చిత్రాలపై కూడా క్లారిటీ వచ్చేసింది. 'జనతాగ్యారేజ్' చిత్రం తర్వాత కొరటాల శివ.. డి.వి.వి. దానయ్య నిర్మాతగా ఓ చిత్రం చేయనున్నాడు. మరో చిత్రాన్ని సినిమా పంపిణీ రంగంలో విశేష అనుభవం ఉన్న మిక్కిలినేని సుధాకర్ తన యువసుధా ఆర్ట్స్ పతాకంపై నిర్మించనున్న మొదటి చిత్రానికి దర్శకత్వం వహిస్తాడు. అయితే ఈ రెండు చిత్రాలలో ఎవరెవరు హీరోలుగా నటిస్తారు? అనే విషయంలో పలువురి పేర్లు ప్రచారంలో ఉన్నాయి. అఫీషియల్గా మాత్రం హీరోలు కన్ఫర్మ్ కాలేదు. కాగా కొరటాల శివ 'జనతాగ్యారేజ్' చిత్రం తర్వాత మొదట దానయ్య చిత్రాన్ని సెట్స్పైకి తీసుకెళ్లతాడు. ఆ తర్వాత తన ఐదవ చిత్రంగా మిక్కిలినేని సుధాకర్ చిత్రాన్ని టేకప్ చేస్తాడు. మొత్తానికి కొరటాల ఇప్పటి విజయపరంపరనే తన తదుపరి చిత్రాల విషయంలో కూడా కొనసాగిస్తాడని ఆశిద్దాం.
