అనుష్క 'భాగమతి' లో మలయాళీ హీరో!

లేడీఓరియంటెడ్‌ చిత్రాలతో తన సత్తా చాటుతున్న స్వీటీ అనుష్క త్వరలో 'పిల్లజమీందార్‌' ఫేమ్‌ అశోక్‌ డైరెక్షన్‌లో 'భాగమతి' అనే చారిత్రక చిత్రంలో నటిస్తున్న సంగతి తెలిసిందే. కాగా ఈచిత్రం ఇటీవలే ముహూర్తం జరుపుకుంది. ఈ మూవీని యువి క్రియేషన్స్‌ సంస్థ ప్రతిష్టాత్మకంగా నిర్మించనుంది. త్వరలో ఈ చిత్రం సెట్స్‌పైకి వెళ్లనుంది. కాగా ఈ చిత్రంలో ప్రముఖ మలయాళీ హీరో జయరాం నటిస్తున్నాడు. ఈయన 'పంచతంత్రం, తెనాలి, తుపాకీ, ఉత్తమవిలన్‌' వంటి అనువాద చిత్రాల ద్వారా తెలుగు ప్రేక్షకులకు సుపరిచితుడే. ఈ చిత్రాన్ని కూడా భారీ సాంకేతిక విలువలతో నిర్మించి దక్షిణాది భాషలన్నింటిలో విడుదల చేయాలని దర్శకనిర్మాతలు ప్లాన్‌ చేస్తున్నారు.