రజనీది కాదు.. అజిత్‌దే హవా! రజనీది కాదు.. అజిత్‌దే హవా!

ఇటీవల కాలంలో సౌత్‌ఇండియన్‌ సూపర్‌స్టార్‌ రజనీకాంత్‌ చిత్రాలు బాక్సాఫీస్‌ వద్ద డిజాస్టర్స్‌గా నిలిచాయి. 'కొచ్చాడయాన్‌, లింగా' చిత్రాలు ప్రేక్షకులనే కాదు... అభిమానులను కూడా తీవ్రంగా నిరాశపరిచాయి. కాగా ఇటీవల ఓ సంస్థ నిర్వహించిన సర్వేలో సూపర్‌స్టార్‌ రజనీకాంత్‌ కంటే అజిత్‌కే ఎక్కువ ఫాలోయింగ్‌ ఉంది అన్న విషయం తేటతెల్లమైంది. ఫ్యాన్‌ ఫాలోయింగ్‌ విషయంలో వరుసగా నాలుగు సూపర్‌హిట్లు కొట్టిన అజిత్‌.. రజనీ కంటే ముందున్నాడు. ఈ సర్వేలో 16.2 శాతం ఓట్లతో అజిత్‌ మొదటి స్థానంలో నిలవగా, 15.8 శాతం ఓట్లతో రజనీకాంత్‌ రెండో స్థానంలో ఉన్నాడని ఆ సర్వేలో తేలింది. ఇక 9.9శాతం ఓట్లతో యంగ్‌స్టార్‌ విజయ్‌ మూడో స్థానం దక్కించుకోగా, 5.2 శాతం ఓట్లతో కమల్‌ ఆ తదుపరి స్థానం దక్కించుకున్నాడు. ఇక 4.3 శాతం ఓట్లతో సూర్య ఐదవ స్థానం పొందాడు. మొత్తానికి ఇప్పుడు కోలీవుడ్‌లో రజనీకాంత్‌ స్థానానికి ఎసరుపెట్టే క్రేజ్‌ ఫాలోయింగ్‌ కేవలం అజిత్‌కే వుందని అక్కడి సినీ విశ్లేషకులు కూడా ఒప్పుకొంటున్నారు.