నందమూరి అభిమానుల ఆశ నెరవేరుతుందా?
నందమూరి హీరోలందరూ మరీ ముఖ్యంగా బాబాయ్ బాలకృష్ణ, యంగ్టైగర్ ఎన్టీఆర్లు కలిసి మెలిసి ఒకటైతే చూడాలని నందమూరి అభిమానుల ఆశ. కాగా బాలకృష్ణ హీరోగా నటిస్తున్న 'డిక్టేటర్' ఆడియో వేడుక ఆంధ్రప్రదేశ్ నూతన రాజధాని అమరావతిలో ఈ నెల 20న గ్రాండ్గా జరుగనుంది. ఈ వేడుకకు జూనియర్ ఎన్టీఆర్ కూడా హాజరవుతాడని నందమూరి ఫ్యాన్స్ ఆశలు పెట్టుకొని ఉన్నారు. ఈసారి బాలయ్య అండ్ టీమ్ ఎన్టీఆర్ను తప్పక ఆహ్వానిస్తారని వారు భావిస్తున్నారు. ఆ సమయంలో ఎన్టీఆర్-సుకుమార్ల కాంబినేషన్లో రూపొందుతున్న 'నాన్నకు ప్రేమతో' చిత్రం చివరి షెడ్యూల్ హైదరాబాద్లోనే జరుగనుంది. అయితే బాలయ్యతో పాటు ఎన్టీఆర్ సినిమా కూడా సంక్రాంతికే విడుదలకు సిద్దం అవుతుండటంతో బిజీ షెడ్యూల్ దృష్ట్యా ఎన్టీఆర్ రాకపోవచ్చని కొందరు భావిస్తుండగా, ఈ వేడుకకు సీఎం చంద్రబాబు నాయుడుతో పాటు పలువురు ముఖ్యులు హాజరవుతున్నందున ఎన్టీఆర్ను పిలవకపోవచ్చని, ఇప్పటికీ అబ్బాయ్ ఎన్టీఆర్, బాబాయ్ బాలకృష్ణల మధ్య ఇంకా కోల్డ్వార్ నడుస్తోందని, ఈ విషయం వీరి సినిమాల తేదీలలోనే తెలుస్తోందని మరికొందరు భావిస్తున్నారు.
