ముంబై బ్యాక్ డ్రాప్ లో సూర్య సినిమా....!

తమిళ స్టార్ హీరో సూర్య, హీరోయిన్ సమంతల కాంబినేషన్ లో 'మనం' దర్శకుడు విక్రమ్ కుమార్ దర్శకత్వంలో '24' అనే చిత్రం ప్రారంభంకానున్న సంగతి తెలిసిందే. సైన్స్ ఫిక్షన్ థ్రిల్లర్ గా రూపొందనున్న ఈ చిత్రం తొలి షెడ్యుల్ షూటింగ్ ను ఏప్రిల్ లో ముంబై లో ప్రారంభించనున్నారు. ఈ చిత్రం మేజర్ పార్ట్ షూటింగ్ ముంబై లోనే జరపడానికి నిర్ణయించారు. ఈ చిత్రాన్ని సూర్య స్వయంగా తన 24 ఎంటర్ టైన్ మెంట్స్ పతాకంపై నిర్మించనుండగా,  ఏ.ఆర్.రహ్మాన్ సంగీతాన్ని అందిస్తున్నాడు. గతంలో ముంబై బ్యాక్ డ్రాప్ లో సూర్య, సమంత కలిసి నటించిన 'అంజాన్' చిత్రం డిజాస్టర్ గా నిలిచిన సంగతి తెలిసిందే. మరి ఈ '24' చిత్రం ఎలాంటి ఫలితాన్ని అందిస్తుందో చూడాలి...!