గ్లోబల్ స్టార్ రామ్ చరణ్ తన తదుపరి చిత్రాల విషయంలో అత్యంత వేగంగా నిర్ణయాలు తీసుకుంటున్నారు. బుచ్చిబాబు సానా దర్శకత్వంలో రూపొందుతున్న `పెద్ది` చిత్రం షూటింగ్లో చరణ్ తన భాగాన్ని మరో ఆరు రోజుల్లోనే పూర్తి చేస్తాడు. ఈ సినిమా షూటింగ్ ముగియగానే చెర్రీ పూర్తి దృష్టి ఇప్పుడు సుకుమార్ దర్శకత్వంలో రూపొందనున్న RC17 పైనే నిలిచింది. `గేమ్ ఛేంజర్` తర్వాత చరణ్ ప్లానింగ్ వైవిధ్యంగా సాగుతోంది. అతడు తన మార్కెట్ను మరింత బలోపేతం చేసుకునేలా వరుసగా భారీ ప్రాజెక్టులను పట్టాలెక్కిస్తూ అభిమానుల్లో ఉత్సాహాన్ని నింపుతున్నారు.
`రంగస్థలం`వంటి ఇండస్ట్రీ హిట్ తర్వాత రామ్ చరణ్ - సుకుమార్ కాంబినేషన్లో వస్తున్న ఈ చిత్రంపై భారీ అంచనాలు నెలకొన్నాయి. మైత్రీ మూవీ మేకర్స్ నిర్మాణంలో అంతర్జాతీయ సంస్థల భాగస్వామ్యంతో రూపుదిద్దుకోనున్న ఈ సినిమా రెగ్యులర్ షూటింగ్కు వెళ్లనుంది. `పుష్ప 2` విజయంతో జోరు మీదున్న సుకుమార్.. చరణ్ కోసం సాంస్కృతిక అంశాలతో కూడిన ఒక భారీ స్థాయి పాన్ ఇండియా కథాంశాన్ని సిద్ధం చేశారు. గ్లోబల్ స్థాయిలో అప్పీల్ ఉండేలా రూపొందనున్న ఈ ప్రాజెక్ట్.. బాక్సాఫీస్ వద్ద సరికొత్త రికార్డులను సృష్టించడం ఖాయమని సినీ వర్గాలు విశ్లేషిస్తున్నాయి.