సినీ పరిశ్రమలో డీ-ఏజింగ్ టెక్నాలజీ సరికొత్త విప్లవాన్ని సృష్టిస్తోంది. వయసు పైబడిన స్టార్ హీరోలను మళ్లీ వారి కెరీర్ ప్రారంభంలో ఉన్నంత యంగ్గా చూపించడానికి దర్శకులు ఈ అధునాతన సాంకేతికతను వినియో గిస్తున్నారు. టాలీవుడ్ మన్మధుడు నాగార్జున తన ప్రతిష్టాత్మక 100వ సినిమాలో 25 ఏళ్ల కుర్రాడిగా కనిపించబో తుండటం విశేషం. దశాబ్దాల క్రితం `శివ` , `గీతాంజలి` కాలం నాటి వింటేజ్ నాగ్ లుక్ను మళ్లీ వెండితెరపై ఆవిష్కరించేందుకు మేకర్స్ ఈ టెక్నాలజీని భారీగా ఉపయోగిస్తున్నారు.
ప్రయోగాలకు కేరాఫ్ అడ్రస్ అయిన కమల్ హాసన్ `భారతీయుడు 3`లో సేనాపతి యంగ్ లుక్ కోసం ఈ సాంకేతి కతను కొనసాగిస్తున్నారు. ఇప్పటికే `భారతీయుడు 2` ముగింపులో దీనికి సంబంధించిన కమల్ లుక్ తో అభిమానులను ఆశ్చర్యపరిచారు. అలాగే మెగాస్టార్ చిరంజీవి నటిస్తోన్న సోషియో ఫాంటసీ చిత్రం `విశ్వంభర`లో కూడా కొన్ని కీలక ఫ్లాష్ బ్యాక్ సన్నివేశాల కోసం డీ-ఏజింగ్ వాడుతున్నట్లు సమాచారం. `గ్యాంగ్ లీడర్` కాలం నాటి మెగాస్టార్ను మళ్లీ చూడాలని ఆశపడుతున్న అభిమానులకు ఇది ఒక గొప్ప ఐ-ఫీస్ట్ కానుంది.
ఈ టెక్నాలజీ కేవలం నటుల రూపాన్ని మార్చడమే కాదు. కథా గమనంలో వచ్చే గతకాలపు సన్నివేశాలకు ఒక సహజత్వాన్ని తీసుకొస్తుంది. హాలీవుడ్ సినిమాల్లో ఎక్కువగా కనిపించే ఈ ట్రెండ్ ఇప్పుడు సౌత్ ఇండియన్ సినిమాల్లోనూ సర్వసాధారణంగా మారింది. `కూలీ` సినిమాలో రజినీకాంత్ లుక్ కోసం, విజయ్ నటించిన గ్రేటెస్ట్ ఆఫ్ ఆల్ టైమ్ సినిమా కోసం కూడా ఈ టెక్నాలజీని వాడారు. తాజాగా వారి సరసన చిరంజీవి, నాగార్జున, కమల్ కూడా చేరడం విశేషం.