నందమూరి నటసింహ బాలకృష్ణ - బోయపాటి కలయికలో తెరకెక్కిన భారీ యాక్షన్ ఎంటర్టైనర్ అఖండ 2 తాండవం డిసెంబర్ 5 నుంచి పోస్ట్ పోన్ అవడంతో అభిమానులకు తలకొట్టేసినట్లయ్యింది. అఖండ మేకర్స్ గత సినిమాల అప్పులు అఖండ 2 విడుదలకు అడ్డం పడ్డాయి. దానితో సినిమా విడుదల ఆపేసి కోర్టులో ఈ లావాదేవీలు చూసుకుంటున్నారు.
తాజాగా అఖండ 2 తాండవం విడుదలకు లైన్ క్లియర్ అయినట్లుగా తెలుస్తుంది. కోర్టు కేసు ఓ కొలిక్కి రావడంతో ఈరోజు మంగళవారం విడుదల తేదీని ప్రకటించే అవకాశం కనిపిస్తుంది. ఇది నిజంగా నందమూరి బాలకృష్ణ అభిమానులకు శుభవార్త అనే చెప్పాలి. ఇప్పటికే డిస్ట్రీబ్యూటర్స్ మద్యన చర్చలు జరిగాయి.
డిసెంబర్ 12 అంటే వచ్చే శుక్రవారమే అఖండ 2 విడుదల ఉండే అవకాశం కనిపిస్తుంది. డిసెంబర్ 11 నైట్ నుంచే ప్రీమియర్స్ తో అఖండ 2 సందడి షురూ చేసి మేకర్స్ అఖండ 2 రిలీజ్ డేట్ ని ప్రకటించే అవకాశం ఉన్నట్లుగా తెలుస్తుంది.