చిన్నారి పెళ్లి కూతురు అవికా గోర్ ఏడడుగులు బంధంలోకి అడుగుపెట్టింది. ఉయ్యాలా జంపాల సినిమాతో హీరోయిన్ గా ఇంట్రడ్యూస్ అయిన అవికా గోర్ ఆ తర్వాత వరస సినిమాలు చేసినా అంత గుర్తింపు రాలేదు. బిజినెస్ మ్యాన్ మిలింద్ చాంద్వాని తో కొన్నాళ్లుగా ప్రేమలో ఉన్న అవికా గోర్ ఈ జూన్ లో ఎంగేజ్మెంట్ చేసుకుని పెళ్లి ప్రకటన చేసింది.
గత నాలుగు రోజులుగా పెళ్లి సంబరాల్లో మునిగిపోయిన అవికా గోర్-మిలింద్ చాంద్వాని ల జంట నేడు సెప్టెంబర్ 30 న పెళ్లి పీటలెక్కారు. ముంబై లో వీరి వివాహం అంగరంగ వైభవంగా జరిగిపోయింది. ముంబై వేదికగా జరిగినఅవికా గోర్ పెళ్ళికి సినీ పరిశ్రమ నుంచి పలువురు ప్రముఖులు హాజరయ్యారు.
ప్రస్తుతం అవికా - మిలింద్ చాంద్వానిపెళ్లి వేడుకకు సంబంధించిన ఫొటోలు, వీడియోలు సోషల్ మీడియాలో వైరల్ గా మారాయి.