మెగాస్టార్ చిరంజీవి-అనిల్ రావిపూడి కాంబోలో క్రేజీగా మొదలు కాబోతున్న #Mega157 చిత్రానికి సంబంధించి ఏ చిన్న న్యూస్ వచ్చినా అది ఇట్టే వైరల్ అవుతుంది. ఎందుకంటే దర్శకుడు అనిల్ రావిపూడి తెరకెక్కించిన 300 కోట్ల బ్లాక్ బస్టర్ సంక్రాంతికి వస్తున్నాం సక్సెస్ తో కనిపించడమే కారణం. అలాగే #Mega157 ఓపెనింగ్ ని కూడా అందరూ ఆశ్చర్యపడేలా చెయ్యడం వంటి విషయాలతో #Mega157 పై అంచనాలు, క్రేజ్ పెరిగిపోయాయి.
ఇక ఈ చిత్రంలో మెగాస్టార్ కి జోడిగా లేడీ సూపర్ స్టార్ నయనతార జోడి కట్టబోతుంది. గతంలో సైరా నరసింహ రెడ్డిలో చిరు భార్యగా, అలాగే గాడ్ ఫాదర్ లో మెగాస్టార్ కి సిస్టర్ గా నటించిన నయనతార #Mega157 లో చిరు తో రొమాన్స్ చేయబోతుంది అనే వార్త వినిపించడం, ఈ ప్రాజెక్టు కోసం నయనతార భారీగా డిమాండ్ చేసింది అనే టాక్ వైరల్ అవడం చూసాం.
ఇప్పుడు మే 23 నుంచి రెగ్యులర్ షూటింగ్ కి వెళ్ళబోతున్న #Mega157లోకి నయనతార హీరోయిన్ గా అఫీషియల్ గా అడుగుపెట్టబోతున్నట్టుగా మేకర్స్ ప్రకటించారు. #Mega157 హీరోయిన్ గా ఎంట్రీ ఇస్తున్నట్టుగా మేకర్స్ వీడియో షేర్ చేసారు. నయనతార #Mega157 షూటింగ్ కోసం మేకప్ వేసుకుంటున్న వీడియో ని షేర్ చేసారు.
అంతేకాదు నయనతార ఆ వీడియో లో తెలుగు మట్లాడుతూ, మెగాస్టార్ సాంగ్స్ వింటూ #Mega157 లో నటిస్తున్న స్క్రిప్ట్ చదువుతూ, అనిల్ రావిపూడి తో కలిసి చేసిన సందడి మాత్రం వేరే లెవల్, అనిల్ రావిపూడినా మజాకానా అనేలా ఉందా వీడియో.