సుశాంత్ సింగ్ రాజ్ ఫుత్ మరణించినా ఆయన నటించిన దిల్ బెచారా ట్రైలర్ రికార్డులు సృష్టించింది. సుశాంత్ మరణానికి కారణమంటూ బాలీవుడ్ నెపోటిజంపై సుశాంత్ సింగ్ రాజపుత్ అభిమానులు విరుచుకుపడుతున్నారు. అందుకే సినీ నేపథ్యం వున్న వారిని ఆడుకుంటున్నారు. అందులో భాగంగానే సడక్ 2 ట్రైలర్‌కి సోషల్ మీడియాలో చుక్కలు చూపెట్టారు. మహేష్ భట్ దర్శకనిర్మాతగా అలియా భట్ హీరోయిన్‌గా నటించి సడక్ 2 ట్రైలర్ బాగున్నప్పటికీ సుశాంత్ సింగ్ అభిమానులు ఆ ట్రైలర్‌ని డిస్ లైక్స్‌తో హోరెత్తించారు. రెండు రోజులుగా సడక్ 2 ట్రైలర్ పై హాట్ హాట్ చర్చలు జరుగుతున్నప్పటికీ.. సడక్ 2 ట్రైలర్‌ని అట్టర్ ప్లాప్ చేశారు.
అయితే ఇప్పుడు అలియా భట్ నటిస్తున్న సినిమాలపై సుశాంత్ సాంగ్ ఆత్మహత్య ఎఫెక్ట్ పడేలా ఉంది. అందుకే సడక్ 2 ట్రైలర్ తోనే వాళ్ళ ప్రతాపం చూపించారు. ఇక అలియా భట్ ఫ్యూచర్ ప్రాజెక్ట్స్ మీద కూడా ఆ ఎఫెక్ట్ పడుతుందేమో అని దర్శకనిర్మాతల టెన్షన్. అందులో అలియా భట్ అన్ని పెద్ద ప్రాజెక్ట్స్‌లోనే నటిస్తుంది. ‘బ్రహ్మాస్త్ర, RRR’. అయితే హీరోల అభిమానులు అలియా భట్ వలన క్రేజ్ వస్తుంది అనుకుంటే ఇప్పుడు అలియా భట్ వలన తమ హీరోలకు ఎక్కడ నష్టం కలుగుతుందో అని టెన్షన్ పడుతున్నారు. అయితే కరోనా లాక్‌డౌన్ వలన అలియా భట్ నటిస్తున్న సినిమాలన్ని వచ్చే ఏడాది చివరికి వెళ్లినా ఆశ్చర్యపోవాల్సిన అవసరం లేదు. ఈలోపు సుశాంత్ సింగ్ రాజ్ ఫుత్ మరణం మరుగున పడిపోతుంది. సో అలియా భట్ ఫ్యూచర్ ప్రాజెక్ట్స్ గురించి బాధపడక్కర్లేదు.