సింగిల్ నైట్ లో స్టార్ డమ్ సంపాదించుకున్నాడు అర్జున్ రెడ్డి హీరో విజయ్ దేవరకొండ. ఇతనికి ఎంత క్రేజ్ ఏర్పడిందో చెప్పాల్సిన పని లేదు. అర్జున్ రెడ్డి సినిమా క్రేజ్ తో ఈ హీరో వరసబెట్టి సినిమాలు తీస్తున్నాడు.
మరోవైపు సినిమాలు మీద సినిమాలలో నటిస్తూ వెళ్ళిపోతుంది హీరోయిన్ మెహ్రీన్. విజయ్ - మెహ్రీన్ ఇద్దరు కలిసి రంగురంగుల హోళీ జరుపుకుంటున్న ఓ స్టిల్ సోషల్ మీడియాలో ఇప్పుడు వైరల్ అయింది. అసలు వీళ్లిద్దరు ఎప్పుడు సినిమా స్టార్ట్ చేశారో కూడా ఎవరికి తెలీదు. నిజానికి విజయ్ దేవరకొండ ప్రస్తుతం పరశురాం దర్శకత్వంలో ఓ సినిమా చేస్తున్నాడు ఇందులో కన్నడ భామ రష్మిక మందన నటిస్తోంది అని తెలిసిన విషయమే.
పరశురాం చిత్రంతో పాటు విజయ్ రాహుల్ సాంక్రిత్యన్ దర్శకత్వంలో రూపొందుతున్న మరో చిత్రంలో నటిస్తున్నాడు. ఈ చిత్రంలో హీరోయిన్ ఇంకా ఫైనలైజ్ అవ్వలేదు. మరి మెహ్రీన్.. పరశురాం సినిమాలో సెకండ్ హీరోయినా.. లేదా రాహుల్ సాంక్రిత్యన్ దర్శకత్వంలో వస్తున్న సినిమాకు మెయిన్ హీరోయినా అనేది మాత్రం క్లారిటీ లేదు.