అవునండి బాలకృష్ణ ముంబై వెళ్లి మరీ బిగ్ బి అమితాబచ్చన్ ని కలిసి వచ్చాడు. ఎందుకో ఏమో తెలియదు గాని నిన్న ముంబైలోని సర్కార్ 3 సినిమా షూటింగ్ స్పాట్ లో బాలకృష్ణ అమితాబ్ ని కలిసినట్లు ఒక ఫోటో ఇప్పుడు సోషల్ మీడియాలో చక్కర్లు కొడుతోంది. వీరిద్దరూ కలిసి ఏవో ముచ్చటించుకున్నట్లు ఉందా ఫోటో. బాలకృష్ణ కి అమితాబ్ ఎప్పటినుండో తెలుసు కానీ.... వారు ఈ మధ్యన ఎక్కడ మీట్ అవ్వడం గాని మాట్లాడుకోవడం గాని జరగలేదు. మరి ఉన్నట్టుండి బాలయ్యకి అమితాబ్ తో ఏం అవసరమొచ్చిందో గాని ఇప్పుడు ఈ కలయిక మీడియాలో ప్రాధాన్యత సంతరించుకుంది.
బాలకృష్ణ తన 100 వ చిత్రం గౌతమీపుత్ర శాతకర్ణి సినిమా షూటింగ్ లో బిజీ గా వున్నాడు. అక్కడ అమితాబచ్చన్ కూడా తన సర్కార్ 3 సినిమా షూటింగ్ ఈ మధ్యనే మొదలైంది. మరి ఇంత బిజీ గా వున్న ఈ స్టార్స్ ఇద్దరు కలిసి ఏం మాట్లాడుకున్నారో అనేది ఇప్పుడు అందరిలో ఆసక్తిని రేకిత్తిస్తోందో. వారిద్దరూ కలిసి వున్న ఈ ఫోటో మీ కోసం.