సర్దార్‌ గబ్బర్‌సింగ్‌ విషయంలో దర్శకుడు బాబిని పక్కనపెట్టి ప్రతి విషయం పవన్‌కళ్యాణే చూసుకున్నాడనే విమర్శలు వెల్లువెత్తిన సంగతి తెలిసిందే. కాగా ఈ చిత్రం డిజాస్టర్‌ కావడంతో తన రాబోయే చిత్రాలలోనైనా ఆయన ఇక వేలుపెట్టడని అందరూ ఆశించారు. కానీ తాజాగా ఆయన నటిస్తున్న ఎస్‌.జె.సూర్య చిత్రం విషయంలో ఆకుల శివ అందించిన స్టోరీని, ఎస్‌.జె.సూర్య తయారుచేసుకున్న స్క్రిప్ట్‌లో మార్పులు చేర్పులు చేయాలని పవన్‌ ఆదేశించాడట. ఈ చిత్రం ప్రారంభమై రెండు రోజులు కూడా కాలేదు. అప్పుడే పవన్‌ తన ఇష్టానుసారం మార్పులు చేర్పులు చేస్తున్నాడని తెలుస్తోంది. ఫ్లాప్‌లో ఉన్న దర్శకుడు ఎస్‌.జె.సూర్యకు దర్శకత్వం బాధ్యతలు ఇచ్చింది కేవలం తాను చెప్పినట్లు నడుకోవాలనే ఉద్దేశ్యంతోనే అని విమర్శలు వస్తున్నాయి. ఈ విషయం తెలిసి తలలు బాదుకోవడం పవన్‌ ఫ్యాన్స్‌ వంతయింది. మరి ఈ చిత్రం ఎలాంటి రిజల్ట్‌ను అందిస్తుందో వేచిచూడాల్సివుంది. కాగా గోపాల గోపాల చిత్రం ఆడియో ఫంక్షన్‌లో ఆయన సంగీత దర్శకుడు అనూప్‌రూబెన్స్‌కు మరో అవకాశం ఇస్తానని మాట ఇచ్చాడు. ఆ మాటను మాత్రం పవన్‌ నిలబెట్టుకొని ఈ చిత్రానికి సంగీత బాధ్యతలను అనూప్‌కే అందించడం హర్షణీయం.