ఎనర్జిటిక్ స్టార్ రామ్ రీసెంట్ గా 'నేను శైలజ' సినిమాతో హిట్ కొట్టాడు. తనకు కందిరీగ లాంటి సినిమాను అందించిన దర్శకుడు సంతోష్ శ్రీనివాస్ తో తన తదుపరి సినిమా చేయడానికి సిద్ధమవుతున్నాడు. ఈ చిత్రాన్ని 14 రీల్స్ఎంటర్ టైన్మెంట్ సంస్థ నిర్మిస్తోంది. అయితే ఈ సినిమాలో రామ్ కు జతగా మిల్కీ బ్యూటీ తమన్నా నటించనుంది. రామ్ ఇదివరకు తమన్నాతో కలిసి 'ఎందుకంటే ప్రేమంటే' అనే సినిమాలో నటించాడు. ఆ సినిమా బాక్సాఫీస్ వద్ద సరిగ్గా రాణించలేకపోయింది. కాని సంతోష్, రామ్ హిట్ కాంబినేషన్ కావడంతో సినిమాపై మంచి అంచనాలు ఏర్పడ్డాయి. తమన్నా ప్రస్తుతం అభినేత్రి సినిమా షూటింగ్ లో బిజీగా ఉంది. ఆ సినిమాతో పాటే రామ్ సినిమా కూడా పూర్తి చేయాలని భావిస్తోంది. జూన్ నుండి రెగ్యులర్ షూటింగ్ జరిపి దసరా కానుకగా సినిమాను రిలీజ్ చేయడానికి ప్లాన్ చేస్తున్నారు.