గతంలో తెలుగులో 'ధోని, ఉలవచారు బిరియాని' వంటి చిత్రాలకు దర్శకత్వం వహించిన ఆర్టిస్ట్‌ ప్రకాష్‌రాజ్‌ త్వరలో మరో తెలుగు చిత్రానికి దర్శకత్వం వహించనున్నాడు. ఆయన మెగాఫోన్‌ చేతబట్టే తన కొత్త చిత్రం టైటిల్‌ను, పోస్టర్స్‌ని ఫేస్‌బుక్‌ సాక్షిగా ప్రకటించాడు. ఈ చిత్రాన్ని ఆయన తెలుగు, కన్నడ భాషల్లో ఒకేసారి తెరకెక్కించనున్నాడు. 'మన ఊరి రామాయణం' అనే టైటిల్‌తో రూపొందుతున్న ఈ చిత్రం ఓ గ్రామంలో జరిగే కథ అంటున్నారు. ఇప్పుడు ఉన్న గ్రామాల పరిస్థితులు, అక్కడి సమస్యలను వినోదాత్మకంగా చర్చించటానికే ఈ చిత్రం కథాంశం ఎన్నుకున్నట్లు తెలుస్తోంది. ఈ చిత్రానికి ఇళయరాజా సంగీతాన్ని అందిస్తుండటం విశేషం. అంతేకాదు.. ఈ సినిమాలోని ప్రధానపాత్రలన్నింటికీ కొత్తవారిని పరిచయం చేయనున్నాడట ప్రకాష్‌రాజ్‌.