అల్లుడు శీను చిత్రంతో హీరోగా గ్రాండ్‌ ఎంట్రీ ఇచ్చిన బెల్లంకొండ సురేష్‌ తనయుడు బెల్లకొండ సాయి శ్రీనివాస్‌ ప్రస్తుతం భీమనేని శ్రీనివాస్‌ దర్శకత్వంలో ఓ సినిమా చేస్తున్నాడు. ఈ చిత్రం తమిళంలో హిట్‌ అయిన సుందరపాండ్యన్‌ కు రీమేక్‌. ప్రస్తుతం ఈ చిత్రం షూటింగ్‌ జరుగుతోంది. ఈలోగా మరో సినిమాని ఓకే చేశాడు సాయి శ్రీనివాస్‌. గుండెజారి గల్లంతయిందే, ఓ లైలాకోసం వంటి చిత్రాలను తెరకెక్కించిన విజయ్‌కుమార్‌ కొండా దర్శకత్వంలో ఈ చిత్రం రూపుదిద్దుకోనుంది. ఈ చిత్రాన్ని స్వయంగా బెల్లంకొండ సురేష్‌ నిర్మిస్తున్నాడు. ఓ తమిళ హిట్‌ చిత్రానికి రీమేక్‌గా ఈ చిత్రం రూపొందనుంది. త్వరలోనే ఈ చిత్రానికి సంబంధించిన వివరాలను అఫీషియల్‌గా ప్రకటించనున్నారు.