లోకనాయకుడు కమల్‌హాసన్‌ హీరోగా రమేష్‌ అరవింద్‌ దర్శకత్వంలో రూపొందిన చిత్రం ‘ఉత్తమవిలన్‌’. ఈ చిత్రంలో ఇటీవల స్వర్గస్తులైన కె.బాలచందర్‌తో పాటు కె.విశ్వనాథ్‌, ఆండ్రియా, పూజాకుమార్‌ తదితరులు నటించారు. ఈ సినిమాకు సంబంధించిన తెలుగు వెర్షన్‌ ఆడియో ఇటీవలే హైదరాబాద్‌లో విడుదలైంది. మొదట ఈ చిత్రాన్ని తెలుగు, తమిళ భాషల్లో ఒకేసారి ఏప్రిల్‌ 10న విడుదల చేయాలని భావించారు. కాగా కొన్ని కారణాల వల్ల ఈ చిత్రం 17కు వాయిదాపడిరది. ఇప్పుడు మరలా డేట్‌ మార్చుకొని 24న విడుదల చేయాలని ప్లాన్‌ చేస్తున్నారు. తమిళంలో థియేటర్ల కొరతతో పాటు తెలుగు వెర్షన్‌ పనుల్లో జాప్యం జరుగుతుండడమే దీనికి కారణం అని తెలుస్తోంది.