సిద్దార్థ్‌ హీరోగా ‘పిజ్జా’ దర్శకుడు కార్తిక్‌సుబ్బురాజ్‌ దర్శకత్వంలో తమిళంలో హిట్టైన ‘జిగర్‌దాండా’ చిత్రాన్ని తెలుగులో ‘చిక్కడు దొరకడు’ పేరుతో అనువాదం చేయాలని భావించి పోస్టర్స్‌ కూడా రిలీజ్‌ చేసిన సంగతి తెలిసిందే. ఆ తర్వాత ఆ సినిమా ఏమైందో పట్టించుకునే వారే కరువయ్యారు. బిజినెస్‌ జరగకపోవడంతో మూలన పెట్టారు. ఇప్పుడు ఆ చిత్రాన్ని ‘దిల్‌రాజు’ అనే టైటిల్‌ పెట్టి, దానికి ఉపశీర్షికంగా ‘దమ్ముంటే కాస్కో’ పేరుతో విడుదల చేయడానికి సిద్దమవుతున్నారు. మరి తమిళంలో హీరోగా మరలా సిద్దార్థ్‌ను నిలబెట్టిన ఈ చిత్రం తెలుగులో కూడా సిద్దుకు పూర్వవైభవం తెస్తుందేమో చూడాలి...!