ఆంధ్రప్రదేశ్ ఐటీ, ఎలక్ట్రానిక్స్, కమ్యూనికేషన్స్, మానవ వనరుల అభివృద్ధి శాఖ మంత్రి శ్రీ నారా లోకేష్‌కు ఆస్ట్రేలియా ప్రభుత్వం నుంచి అత్యంత ప్రతిష్టాత్మకమైన *ప్రత్యేక సందర్శన కార్యక్రమం (Special Visits Program - SVP)*లో పాల్గొనాల్సిందిగా ఆహ్వానం లభించింది. ప్రపంచవ్యాప్తంగా నాయకులను గుర్తించి, వారితో దీర్ఘకాలిక వ్యూహాత్మక సంబంధాలను పెంపొందించేందుకు ఆస్ట్రేలియా విదేశాంగ శాఖ ఈ అత్యున్నత దౌత్య కార్యక్రమాన్ని నిర్వహిస్తూ వుంటుంది.
గత సంవత్సర కాలంలో ప్రభుత్వంలో లోకేష్ నాయకత్వం, అలాగే రాష్ట్రంలో మానవ వనరులు, ఆర్థికాభివృద్ధికి సంబంధించిన ఆయన ప్రతిష్ఠాత్మక ప్రణాళికలను ఆస్ట్రేలియా ప్రభుత్వం ప్రశంసించింది. ఈ లక్ష్యాలను సాధించడంలో ఆస్ట్రేలియా సహజ భాగస్వామిగా ఉంటుందని ఆ ఆహ్వాన లేఖలో స్పష్టం చేసింది.
భారత ప్రధాని శ్రీ నరేంద్ర మోదీ గారు కూడా 2001లో ఇదే SVP కార్యక్రమంలో పాల్గొన్నారు. నాటి చారిత్రక ప్రాధాన్యతను గుర్తు చేస్తూ, లోకేష్‌కు ఆస్ట్రేలియా పంపిన ఈ ఆహ్వానం గొప్ప విషయం.
శ్రీ నారా లోకేష్ గారి ఆస్ట్రేలియా పర్యటనలో ఆయన ప్రాధాన్యతల ఆధారంగా ఆస్ట్రేలియాలోని విద్యా రంగం, నైపుణ్యాభివృద్ధి నిపుణులు, పెట్టుబడిదారులు, ఆక్వాకల్చర్ మరియు మౌలిక సదుపాయాల రంగ నిపుణులతో సమావేశాలు ఏర్పాటు చేయనున్నారు. ఈ కార్యక్రమం ఆస్ట్రేలియా, ఆంధ్రా మధ్య దీర్ఘకాలిక ఆర్థిక, పెట్టుబడులు, వాణిజ్య అవకాశాలు మరియు సంబంధాలకు ఒక వ్యూహాత్మక అడుగుగా భావించబడుతోంది.
లోకేష్‌కు అందిన ఈ అరుదైన ఆహ్వానం ఆంధ్రప్రదేశ్ రాష్ట్రానికి లభించిన గౌరవం, అవకాశం