ఇంటర్వ్యూ: నాగు గవర (కర్త కర్మ క్రియ)

Sat 10th Nov 2018 05:19 PM
nagu gavara,kartha karma kriya,director,interview,updates  ఇంటర్వ్యూ: నాగు గవర (కర్త కర్మ క్రియ)
Interview: Kartha Karma Kriya Director Nagu Gavara ఇంటర్వ్యూ: నాగు గవర (కర్త కర్మ క్రియ)
Sponsored links

క్రైమ్ థ్రిల్లర్‌గా యువ దర్శకుడు నాగు గవర తెరకెక్కించిన చిత్రం ‘కర్త కర్మ క్రియ’. లిమిటెడ్ బడ్జెట్‌లో కంటెంటే ప్రధాన బలంగా తెరకెక్కిన ఈ చిత్రం.. తాజాగా విడుదలై బాక్సాఫీస్ వద్ద పాజిటివ్ టాక్‌తో రన్ అవుతోంది. కొత్త నటీనటులను లీడ్ రోల్స్‌లో పరిచయం చేయటంతో పాటు, వైవిధ్యమైన చిత్రాలను అందించే చదలవాడ బ్రదర్స్ బ్యానర్ ‌పై ఈ చిత్రం తెరకెక్కింది. భారీ చిత్రాల మధ్య చిన్న సినిమాగా  విడుదలైన ‘కర్త కర్మ క్రియ’ సక్సెస్‌ను పురస్కరించుకుని దర్శకుడు నాగు గవర మీడియాతో ముచ్చటించారు. 

ఈ చిత్ర కాన్సెప్ట్ ఏంటి?

ఇది కాన్సెప్ట్ బేస్డ్ మూవీ. ప్ర‌స్తుతం సొసైటీలో జ‌రుగుతున్న నిర్ల‌క్ష్యంను బేస్ చేసుకుని ఉంటుంది. ప్రస్తుత ప్రపంచంలో సెల్ఫీ మోజు అందరికీ ఉన్నదే. స‌మాజంలో ప్రతి ఒక్కరి చేతిలో మొబైల్ ఉంటుంది. అందరూ.. సెల్ఫీలు, సెల్ఫ్ వీడియోలు తీసుకుంటున్నారు. దానితో పాటు వారి ప‌ర్స‌న‌ల్ వీడియోలు, ఫొటోలు కూడా తీసుకుంటున్నారు. అవి పొర‌పాటున మ‌న ఫోన్ వేరే వారి చేతికి వెళ్ళి, ఆ ఫొటోలు, వీడియోలు వేరే వాళ్ళ‌కి వెళితే మ‌నం డిలీట్ చేశాం అనుకున్నా డిలీట్ కావు టెక్నాల‌జీ బాగా డెవ‌ల‌ప్ అయింది. దాంతో ఎన్నో రీ క‌లెక్ట్ చెయ్య‌వ‌చ్చు. అమ్మాయిలు చాలా నిర్ల‌క్ష్యంగా సెల్ఫీలు పంపుతుంటారు. అది చాలా ప్ర‌మాద‌క‌రం. అలా మ‌న ప‌ర్స‌న‌ల్ వీడియోలు, ఫొటోలు బ‌య‌ట‌కెళితే ఫ్యామిలీస్ ఏమ‌యిపోతాయి అన్న దానిని బేస్ చేసుకుని తీసిన మూవీ ఇది. నిర్ల‌క్ష్యంగా ఉంటున్న ఆ విష‌యాన్ని ఒక సినిమాటిక్‌గా చెప్పాను. ఒక ముగ్గురి వ్య‌క్తుల గురించి, ఒక హౌస్‌వైఫ్‌, ఒక జాబ్ చేస్తున్న అమ్మాయి ఇలా డిఫ‌రెంట్ డిఫ‌రెంట్ క్యారెక్ట‌ర్స్ తీసుకుని వాళ్ళ ప‌ర్స‌న‌ల్ వీడియోలు వేరేవాళ్ళ‌కి దొరికితే వాళ్ళు వాటితో ఎలా ఇబ్బంది ప‌డ‌తారు అన్న‌ది చూపించాము.  సినిమా చూసే ఆడియన్స్‌కి ఈ విష‌యం చివ‌రిలో తెలుస్తుంది. ఎవ‌రు చేశారు. ఎందుకు చేశారు. ఎందుకు ముగ్గురు చ‌నిపోయారు అని దానిపై ఇన్వెస్టిగేష‌న్ కొన‌సాగుతుంది. ఫైన‌ల్‌గా వ‌చ్చేస‌రికి మొబైల్‌ని ఎంత విచ్చ‌ల‌విడిగా వాడుతున్నామో.. దాని వ‌ల్ల జీవితాలు ఎంత తారుమారు అవుతున్నాయో.. అనేది కంటెంట్‌. సినిమా చూసిన త‌ర్వాత అందరూ వాళ్ళ మొబైల్ ఒక‌సారి చెక్ చేసుకుంటున్నారు. సినిమా విడుద‌ల త‌ర్వాత ప్ర‌తి సెంట‌ర్ నుంచి చాలా మంది ఫోన్లు చేస్తున్నారు. మంచి కంటెంట్ మెసేజ్ ఓరియంటెడ్ ఫిల్మ్ అని. ఒక మంచి కంటెంట్‌తో జ‌నాల‌కి చెప్పాల‌ని చేసిన చిత్రం. నేను ఇంత‌కు ముందు తీసిన చిత్రంలో కూడా తండ్రి గొప్ప‌త‌నం గురించి తండ్రి అనుబంధం గురించి ఆ చిత్రంలో చెప్పాను. ఇందులో మ‌నం ఫోన్‌ని ఎంత నిర్ల‌క్ష్యంగా వాడుతున్నాం అన్న దాని గురించి చెప్పాను. 

అభిమ‌న్యుడు సినిమా కూడా ఇలాంటిదేక‌దా?

అభిమ‌న్యుడు చిత్రం కంప్లీట్‌గా సైబ‌ర్ మీద వెళ్ళారు. నాదగ్గ‌ర‌కి వ‌చ్చే ఆడియ‌న్‌కి ఏదో ఒక మెసేజ్ చెప్పాల‌ని కాదు. సినిమాలో ఒక క్రైమ్ జ‌రిగింది. దాన్ని ఎలా అని తెలుసుకోవ‌డం కోసం. సైబ‌ర్ క్రైమ్‌లో చాలా ఉన్నాయి. మిగ‌తావి చాలా మంది వాడ‌తారు వాడ‌క‌పోవ‌చ్చు. కాని ఫోన్ మాత్రం అందరూ వాడ‌తారు. చాలా మంది చాలా విధాలుగా చెబుతారు. నా ఐడియాల‌జీ ప్ర‌కారం నేను క‌ర్త క‌ర్మ క్రియలో చెప్పాను. క‌ర్మ సిద్ధాంతం అంటే మంచి చేస్తే మ‌న‌తో మంచి వ‌స్త‌ది. చెడు చేస్తే చెడు అని. మ‌న సొసైటీ అంతా కూడా క‌ర్మ సిద్ధాంతాల పైనే వెళుతుంది. ఈ సినిమా ఫ‌స్ట్ ఒక లైన్‌తో స్టార్ట్ అవుతుంది. నా క‌ర్మ‌కి ఎవ‌రూ బాధ్యులు కారు నేనే అని  చెప్పి. సినిమా ఫినిషింగ్ అదే డైలాగ్ మెయిన్ యాక్ట‌ర్స్ నుంచి వ‌స్తుంది. ఈ సినిమా అంతా కూడా క‌ర్త క‌ర్మ క్రియ మొత్తం చేసేది ఒక్క‌డే! ఆ ఒక్క‌డు ఎవ‌రు అనే దాని పైన సినిమా చేశాను. 

సినిమా రెస్పాన్స్ ఎలా ఉంది?

రెస్పాన్స్ చాలా బాగుంది. ఎందుకంటే అందరూ ఈ సినిమా కంటెంట్ చాలా బాగుంది. ఫ‌స్టాఫ్ క‌ంటే సెకండాఫ్ చాలా బాగుంది అంటున్నారు. సాంగ్స్, హీరో క్యారెక్ట‌రైజేష‌న్‌, హీరోయిన్ క్యారెక్ట‌రైజేష‌న్ ఒక లైవ్‌లీగా వెళుతూ ఇంట‌ర్‌వెల్ నుంచి అంద‌రికి చాలా బాగా న‌చ్చింద‌ని చెబుతున్నారు. స్పెషల్‌గా ర‌వివ‌ర్మ ఇన్వెస్టిగేష‌న్ సీన్స్‌, క్లైమాక్స్‌లో హీరో పెర్ఫార్మెన్స్‌, గోవాసాంగ్ అన్నీ చాలా బాగా వ‌చ్చాయ‌ని చెబుతున్నారు. సెకండాఫ్ అంద‌రికీ క‌నెక్ట్ అయింది. ఒక మీనింగ్ ఫుల్ సినిమా అని అంద‌రి నుంచి కామెంట్స్ వ‌స్తున్నాయి. హీరో హీరోయిన్ కొత్త వాళ్ళైనా కూడా ఎక్క‌డా కూడా వాళ్ళ‌లో ఆ బెరుకు అనేది లేకుండా చేశారు అని అంటున్నారు. ఇండ‌స్ట్రీకి మ‌ళ్ళీ ఒక మంచి హీరో వ‌చ్చాడు అని ఆ అబ్బాయికి ఒక మంచి పేరు వ‌చ్చింది. 

ముందు ఈ చిత్రానికి ఎవ‌ర్ని ఎంపిక చేశారు?

దీనికి ఎవ‌ర్నీ అనుకోలేదు. ఈ సినిమాకి రెండు కాన్పెప్ట్స్ ఉన్నాయి. ఒక‌టి ఇది కొత్త వాళ్ళ‌తోనే చేయాలి. వేరే హీరో చేస్తే అంత‌గా క‌నెక్ట్ అవ్వ‌దు.. అక్క‌డ క్యారెక్ట‌ర్ మాత్ర‌మే హైలెట్ కావాలి. ప్రతి ఒక్కరూ ఆ కారెక్ట‌ర్‌లో ఎవ‌ర్ని వాళ్ళు చూసుకోవాలి. రెండోది ఈ సినిమాని ఏ మాత్రం కాస్త ఎంట‌ర్‌టైన్‌మెంట్ త‌గ్గించినా కంప్లీట్ డార్క్ అయిపోతుంది. ఈ కంటెంట్ అంద‌రికి సంబంధించిన‌ది కాబ‌ట్టి కొత్త వాళ్ళు మాత్ర‌మే ఉండాలి. కాక‌పోతే పోలీస్ ఆఫీస‌ర్ క్యారెక్ట‌ర్ కొత్త‌వాళ్ళ‌తో వెళ్ళ‌కూడ‌దు. వాళ్ళు ప్ర‌శ్నించే విధానం అంతా బాగుండాలి. డైలాగ్ మాడ్యులేష‌న్ బాగుండాలి.. అందుకే ర‌వివ‌ర్మ‌ని తీసుకోవ‌డం జ‌రిగింది.

సాధార‌ణంగా తెలుగులో హీరోకి కొంత హైప్ ఉంటుంది.. మ‌రి మీ చిత్రంలో కొత్త పాయింట్‌?

హీరో అని అనుకోలేదండి. కేవ‌లం సిద్ధు అనే క్యారెక్ట‌ర్ వాడు ఒక స‌ర‌దా కుర్రాడు. వాడికి కూడా కొన్ని కొన్ని ప‌ర్స‌న‌ల్స్ ఉంటాయి. అలాంటి క్యారెక్ట‌ర్స్ మాత్ర‌మే వాడిలో కూడా కొన్ని కొన్ని క్యాప‌బిలిటీస్ ఉంటాయి. డాన్స్ మంచిగా చేయడం.. మంచి హైట్ ఉంటాడు కాబట్టి ఏద‌న్నా గొడ‌వ వ‌స్తే ఫైట్ చేయవచ్చు. జ‌న‌ర‌ల్‌గా న‌చ్చిన అమ్మాయి కోసం ఫైట్ చెయ్య‌డం, ఫ్రెండ్‌తో స‌ర‌దాగా అనేది చూస్తే సిద్ధు క్యారెక్ట‌ర్ మాత్ర‌మే క‌న‌ప‌డాలి. నేను చూపించిన దానిలో క్యారెక్ట‌ర్ మాత్ర‌మే క‌నిపించాలి. ఈ సినిమా క్లైమాక్స్ అంద‌రూ కొత్త‌గా ఉంద‌ని అంటున్నారు త‌ప్పించి బాగాలేద‌ని అన‌డంలేదు. ఇటువంటి త‌ప్పుచేసినోడికి ఇలాంటి శిక్ష‌ప‌డాల్సిందే అని. అలాగ‌ని బ‌స్తీలో ఉండే కుర్రాళ్ళంద‌రూ అలా ఉంటార‌ని కాదు. ఈజీ మ‌నీ కోసం అడ్డ‌దార్లు తొక్కుతున్న ఎవ‌రికైనా ఇలాంటి ప‌రిస్థితే ఎదురవుతుంది. చాలామంది మ‌నం పేప‌ర్లో చూస్తూ ఉంటాం చైన్ స్నాచింగ్ చేస్తూ ఉంటారు. బీటెక్ స్టూడెంట్స్ విలాసాల కోసం చైన్‌స్నాచింగ్ చేయడం గురించి మ‌నం న్యూస్‌లో వింటూనే ఉంటాం. వాడికంటూ ఒక ఫ్యామిలీ ఉంటుంది. వాడు ప్యూర్ క్రిమిన‌ల్ కాదు. వాడికున్న సిట్యూయేష‌న్‌లో వాడు ఎలా బిహేవ్ చేస్తున్నాడు అని దాని గురించే చూస్తాం. అన్ని వేరియేష‌న్స్ ఉంటాయి ఆ క్యారెక్ట‌ర్‌లో.

రొమాన్స్ లేదు మీ సినిమాలో?

రొమాన్స్ అనేది చాలా జాగ్ర‌త్త‌గా తీశాను. రొమాన్స్ అంటే ఎక్క‌డా సినిమాలో ఒక్క లిప్‌లాక్ కూడా లేదు. హ‌గ్‌లు ఉంటేనే రొమాన్స్ అనేది కాద‌ని నా ఫీలింగ్. ఈ సినిమాలో రొమాన్స్‌కి చాలా స్కోప్ ఉంది. దివ్య‌, మ‌హాల‌క్ష్మి, క‌ళ్యాణి ముగ్గురికి సంబంధించిన రొమాన్స్ చూపించ‌వ‌చ్చు. ఒక అమ్మాయి ఫొటోగాని, వీడియోగాని బ‌య‌ట‌కు వెళ్ళ‌కూడ‌ద‌ని చెప్పిన‌వాడ్ని అమ్మాయిని పెట్టి రొమాన్స్ ఎలా చేయిస్తానండి. ఆ థాట్ రాంగ్ అవుతుంది.. అలా చూపించ‌కూడ‌దు. దీంతో పాటే వాళ్ళు సూసైడ్ చేసుకున్నారు అని చెప్పాను త‌ప్పించి వాళ్ళ చావుల‌ను కూడా నేను చూపించ‌లేదు. జ‌నాల‌కి కేవ‌లం ఆ ఫీల్ అర్థమ‌యితే చాలు అనుకున్నా.

స‌డెన్‌గా రిలీజ్ చేశారేంటి?

సినిమా అయిపోయింది. ఈ సినిమా ఏప్రిల్ 17న మొద‌ల‌యింది. శ్రీ‌నివాస్‌గారు చాలా సినిమాలు చేస్తున్నారు. 8 సినిమాల వ‌ర‌కు చేస్తున్నారు. కాబ‌ట్టి ఫాస్ట్‌గా చేశాం. ఆయ‌న బ్యాన‌ర్ నుంచి వ‌స్తున్న స్ట్రయిట్ ఫిలిం. రీరికార్డింగ్ కూడా అయిపోయింది. దాంతో దీపావ‌ళికి రావాల‌ని వ‌చ్చేశాం. నవంబర్ 16 నుంచి చాలా సినిమాలు ఉండ‌డం వ‌ల్ల కొంచం ముందుకు వ‌చ్చాం. ఇది ప్రొడ్యూస‌ర్ డెసిష‌న్‌. ఈ సినిమా ఎక్కువ‌మందికి రీచ్ అయితే ప్ర‌తిఫ‌లం ద‌క్కిన‌ట్లే.

ఇండ‌స్ట్రీలో ఎవ‌ర‌న్నా చూశారా?

చూశారు బాగుంద‌న్నారు. పెద్ద‌వాళ్ళు ఇంకా ఎవ‌రూ చూడ‌లేదు బిజీగా ఉన్నారు. నాకున్న స‌ర్కిల్‌లో అంద‌రూ చూశారు. ఫ‌స్ట్‌డే ప్రొడ్యూస‌ర్ సినిమా చూసి హ్యాపీ. ఎందుకంటే ఇంత మెచ్యూర్డ్‌గా తీయడం అనేది న‌చ్చింది. ఈ సినిమాలో గోవాలో సాంగ్ చాలా మందికి బాగా న‌చ్చింది. క్యూట్ రొమాన్స్ ఉంటుంది ఆ పాటలో. ప్ర‌తి సినిమాలోనూ లిప్‌లాక్‌పెట్టి పోస్ట‌ర్స్‌లో పెట్టి వేస్తున్నారు కానీ దాని వ‌ల్ల సినిమాలు ఆడ‌వు. అలాంటి సన్నివేశాల్లో ఇద్ద‌రి మ‌ధ్య ఉండే ఫీలింగ్‌ని అవ‌స‌ర‌మైనంతే వాడుకోవాలి. జ‌న‌ర‌ల్‌గా గోవా సాంగ్ అంటే రొమాన్స్ ఎక్కువ‌గా ఉంటుంది. కానీ నీట్‌గా చేయడం న‌చ్చింది. ఒక సినిమాకి ఉండాల్సిన అన్ని క‌మ‌ర్షియ‌ల్ ఎలిమెంట్స్ ఇందులో ఉన్నాయి. కొంత మంది నెగిటివ్‌ అంశాలను ప్రస్తావించారు. వారు చెప్పిన‌వి కూడా బాగున్నాయి. కాక‌పోతే ఈ చిత్రాన్ని నేను నాకున్న ప‌రిమితిలో తీశాను.

ప్రొడ్యూస‌ర్స్ ఏమ‌న్నారు?

ముందుగా నేను శ్రీ‌నివాస్‌రావుగారికి కేవ‌లం ఒక లైన్ మాత్ర‌మే చెప్పాను. త‌ర్వాత వాళ్ళు షూటింగ్‌కి వ‌చ్చి చూస్తూ ఉన్నారు. ప్ర‌తీ సారి స‌ర్‌ప్రైజ్ అవుతూ ఉన్నారు, చాలా హ్యాపీగా ఫీల‌య్యారు. ఎందుకంటే ఇన్వెస్టిగేష‌న్ సీన్స్ తీస్తున్న‌ప్పుడు ఆయ‌న షూటింగ్‌కి వ‌చ్చి చూసి చాలా ఎంజాయ్ చేసే వారు. ఆయ‌న ఒక ఆడియ‌న్‌లా చూడ‌టాన్ని ఇష్ట‌ప‌డ‌తారు. ఆయ‌న మానిట‌ర్‌ని చూస్తూ యాక్ట్ చేస్తున్న యాక్ట‌ర్స్‌ని చూస్తూ చాలా ఆనంద‌ప‌డిపోతుంటారు. షూటింగ్ విష‌యంలో చాలా హ్యాపీ. టీజ‌ర్‌కి వ‌చ్చిన రెస్పాన్స్‌కి కూడా చాలా హ్యాపీ. సినిమా చూశాక.. నీతో చాలా మాట్లాడాలి అన్నారు. త‌ర్వాత మాట్లాడ‌తా అన్నారు. కాదు సార్ ముందు చెప్పండి యాజ్ ఎ ప్రొడ్యూస‌ర్ మీరు చెబితే నాకు ఆనందంగా ఉంటుంది అన్నాను. సినిమా చాలా చాలా బాగుంది. హీరోకి మంచి అవ‌కాశాలు దొరుకుతాయి. మా డీఓపీని ప‌ట్టుకుని.. చాలా మంచి విజువ‌ల్ ఇచ్చారు చాలా బాగుంది మూవీ అని అన్నారు. అంద‌ర్నీ మెచ్చుకుని చాలా ఆనందంతో వెళ్ళారు.

త‌ర్వాత సినిమా కూడా సేమ్ బ్యాన‌రా?

ఇంకా తెలియ‌దు. ఒక క‌థ అయితే చెప్పాను. స్టోరీ కూడా ఓకే అన్నారు. చూడాలి మ‌రి. క‌మ‌ర్షియ‌ల్ ఫార్మెట్‌లో, ఒక ల‌వ్ స్టోరీ ఉంది. ఆయ‌న‌కు చెప్పింది మాత్రం పోలీస్ స్టోరీ. అది ఆయ‌న‌కు న‌చ్చింది బాగా. హీరో డేట్స్, లేక కొత్త‌వాళ్ళ‌తో చేస్తామా అన్న‌ది చూడాలి. స‌బ్జెక్ట్స్ మాత్రం చాలానే ఉన్నాయి.  బెట‌ర్ క్వాలిటీతో ఈ సినిమా తీసుకొచ్చాను. 

ఫ‌స్ట్ సినిమాకి ఈ సినిమాకి గ్యాప్ ఎందుకు వ‌చ్చింది?

గ్యాప్ ఏమీ లేదు. ఫ‌స్ట్ సినిమా త‌ర్వాత అలీగారితో సంజ‌య్‌ రామస్వామి అని చేశాను. కాని అది కొన్ని డిజిట‌ల్ ప్రాబ్లమ్స్ వల్ల ఆగిపోయింది. డీమానిటైజేష‌న్ టైంలో ఆగిపోయిన సినిమాల్లో నాది ఒక‌టి. త‌ర్వాత ఒక ప్ర‌ముఖ హీరోకి స్టోరీ డైలాగ్స్ ఇచ్చాను అది అవుతుంది అనుకున్నాం కానీ అదికూడా ఆగింది. అలా రెండు సినిమాలు ఆగాయి. చాలా సినిమాలు ఓపెన్ అయి ఎనౌన్స్ అవుతాయి గాని ఏ స్టేజ్‌లో ఆగిపోతాయో ఎవ‌రికీ తెలియ‌దు. మంచి కాన్సెప్ట్‌తో  చేద్దాం అని ఎదురు చూసే టైంలో మీడియా ఫ్యామిలీ ద్వారా నాకు ఈ అవ‌కాశం ద‌క్కింది. మీడియా మిత్రులైన భాగ్య‌ల‌క్ష్మి, మోహ‌న్‌గారి ద్వారా వినాయ‌క‌రావుగారికి క‌థ చెప్ప‌గా ఆయ‌న‌కు న‌చ్చి ఆయ‌న న‌న్ను శ్రీ‌నివాస్‌గారికి ప‌రిచ‌యం చేయడం జ‌రిగింది. ఇందులో వినాయ‌క‌రావుగారి అబ్బాయి హ‌ర్ష విల‌న్ క్యారెక్ట‌ర్ చేశారు. చాలా బాగా న‌టించారు. త‌ను ఇంత వ‌ర‌కు చేసిన క్యారెక్ట‌ర్స్‌లో ఈ క్యారెక్ట‌ర్ చాలా మంచి క్యారెక్ట‌ర్. డాక్ట‌ర్ ఆనంద్ రోల్‌లో న‌టించారు చాలా బాగా చేశారు... అని చెప్పుకొచ్చారు.

Sponsored links

Interview: Kartha Karma Kriya Director Nagu Gavara:

Nagu Gavara Talks About Kartha Karma Kriya

Latest

Latest

Popular in Times

Follow us

Contact us    Privacy     © 2017