Advertisement

శంకర్ మహదేవన్ పాడిన 'విమెన్ యాంతం'!

Sat 21st May 2016 04:58 PM
  శంకర్ మహదేవన్ పాడిన 'విమెన్ యాంతం'!
శంకర్ మహదేవన్ పాడిన 'విమెన్ యాంతం'!
Advertisement

పవన్ ఆర్ట్ ప్రొడక్షన్స్ బ్యానర్ పై వివేక్ కైప పట్టాబిరామ్ దర్శకత్వంలో సుబాష్ ఆనంద్ సంగీత దర్శకత్వంలో 'విమెన్ యాంతం'ను ప్రముఖ గాయకుడు శంకర్ మహదేవన్ పాడారు. పవన్ కుమార్ గౌడ్ నిర్మాత. ఈ పాటను శుక్రవారం హైదరాబాద్ లో విడుదల చేశారు. ఈ సందర్భంగా..

బిజెపి ఆంధ్రప్రదేశ్ సెక్రటరీ కోటేశ్వరావు మాట్లాడుతూ.. ''ఇలాంటి ఓ మంచి కార్యక్రమంలో పాల్గొనడం సంతోషంగా ఉంది. భారతీయ సంస్కృతిలో మహిళలకు ఉన్న పాత్రను ఒక పాట రూపంలో చెప్పడం మంచి విషయం'' అని చెప్పారు.

దర్శకుడు వివేక్ మాట్లాడుతూ.. ''పుట్టుక మొదలయ్యేది అమ్మతో.. ఓంకారం మొదలయ్యేది శక్తితో. ఆ గౌరవాన్ని ఎలా చూపించాలని ఆలోచించి వీడియో రూపంలో ఒక పాటను విడుదల చేశాం. పవర్ ఫుల్ సోర్సెస్ తో ఈ పాటను రూపొందించాం. సుబాష్ ఆనంద్ గారి మ్యూజిక్ డైరెక్షన్ లో శంకర్ మహదేవన్ గారు ఈ పాటను అధ్బుతంగా పాడారు. అయితే ఇదివరకే నేను ఈ బ్యానర్ లో రొమాంటిక్ థ్రిల్లర్ జోనర్ లో 'కోమలి' అనే సినిమాను చిత్రీకరించాను. త్వరలోనే ఆ సినిమాను తెలుగు, తమిళ బాషలలో విడుదల చేయబోతున్నాం. అది కాకుండా ప్రొడక్షన్ నెం 2 సినిమాను ప్లాన్ చేస్తున్నాం. ఆ సినిమాతో ధీరన్ అనే కొత్త హీరో పరిచయం కాబోతున్నాడు'' అని చెప్పారు.

ఈ కార్యక్రమంలో పాల్గొన్న పద్మజారెడ్డి, సుచరిత, బిజెపి స్టేట్ వైజ్ ప్రెసిడెంట్ విజయలక్ష్మి లాంటి ప్రముఖ మహిళలకు మొమెంటోలను అందించారు.

Advertisement

Loading..
Loading..
Loading..
Advertisement