కాజల్ అగర్వాల్ టాలీవుడ్ లో అగ్రతారగా వెలుగొందింది. టాలీవుడ్ టాప్ హీరోస్ అయిన తారక్ దగ్గర నుండి ప్రభాస్, పవన్ కళ్యాణ్, రామ్ చరణ్, అల్లు అర్జున్ వంటి యంగ్ స్టర్స్ తో నటించిన కాజల్ అగర్వాల్ ఒకప్పుడు టాలీవుడ్ టాప్ హీరోయిన్ గా ఆ పొజిషన్ ని ఎంజాయ్ చేసింది.. ప్రస్తుతం సీనియర్ హీరోలకి కేరాఫ్ అడ్రెస్ గా మారిన కాజల్ చిరు ఆచార్య మూవీలోనూ, నాగార్జున - ప్రవీణ్ సత్తారు మూవీలో నటిస్తుంది. అలాగే తమిళ్ లో ఇండియన్ 2 కంప్లీట్ చెయ్యాల్సి ఉంది.
పెళ్లి తర్వాత కూడా భర్త గౌతమ్ కిచ్లు సహకారంతో దూసుకుపోతున్న కాజల్ అగర్వాల్.. పెళ్లి, హనీమూన్ అవ్వగానే తాను నటిస్తున్న సినిమా సెట్స్ కి వెళ్ళిపోయింది. పెళ్లి తర్వాతే నాగార్జున - ప్రవీణ్ సత్తారు మూవీకి సైన్ కూడా చేసింది. అయితే తాజాగా కాజల్ తీసుకున్న డెసిషన్ చూస్తే అందరికి షాకింగ్ గా అనిపిస్తుంది. పెళ్లయ్యాక సినిమాలు వదిలేదే లేదు అన్న కాజల్ అగర్వాల్ తాజాగా సినిమాలకు ఫుల్ స్టాప్ పెట్టబోతోంది అనే న్యూస్ ఆమె అభిమానులని కలవర పరుస్తుంది. కాజల్ అగర్వాల్.. చిరు, నాగ్ సినిమాలుతో పాటుగా ఇండియన్ 2 మూవీ షూటింగ్ కూడా పూర్తయ్యాక సినిమాలకు గుడ్ బై చెప్పేసి పర్సనల్ లైఫ్ లో సెటిల్ అవ్వాలనే ఉద్దేశ్యంలో ఉంది అంటున్నారు.
మరి నిజంగా కాజల్ సినిమాలను వదిలేస్తే అంతకన్నా షాకింగ్ న్యూస్ మరొకటి ఉండదు. ఎందుకంటే పెళ్లి తర్వాత కూడా కాజల్ కి అవకాశాలు మాములుగా రావడం లేదు.. అటు వెబ్ సీరీస్ చెయ్యడానికి కూడా కాజల్ వెంట పడుతున్నారు దర్శకనిర్మాతలు. ఇలాంటి సమయంలో కాజల్ కెరీర్ కి ఫుల్ స్టాప్ పెట్టడం అనేది కరెక్టో.. కాదో.. కాజల్ కే తెలియాలి.
బిగ్ బాస్ 4 ఫేమ్ దివి క్యాబ్‌స్టోరీస్ టీజ‌ర్ 
Loading..