సూర్యకాంతం.. ‘లక్ష్మీస్..’ తాటతీసేలానే ఉంది!
Niharika Suryakantham vs Varma Lakshmis NTRరాబోయే శుక్రవారం రామ్ గోపాల్ వర్మ లక్ష్మీస్ ఎన్టీఆర్ ఎన్నో అంచనాల మధ్యన ప్రేక్షకుల ముందు రాబోతుంది. అస్సలు ప్రమోషనల్ ఈవెంట్స్ లేకుండానే లక్ష్మీస్ ఎన్టీఆర్ కి భీభత్సమైన క్రేజ్ ప్రేక్షకుల్లోనూ, ట్రేడ్ లోను ఉంది. వర్మ ఆ రకంగా లక్ష్మీస్ ఎన్టీఆర్ ని ప్రేక్షకుల్లోకి తీసుకెళ్లాడు. ఇక ఈ శుక్రవారమే మరో మూవీ కూడా లక్ష్మీస్ ఎన్టీఆర్ కి పోటీగా విడుదలకానుంది. అది మెగా డాటర్ నటించిన నిహారిక సూర్యకాంతం సినిమా. సూర్యకాంతం తక్కువ బడ్జెట్తో తెరకెక్కినా.. సినిమా మీద మంచి అంచనాలే ఉన్నాయి. ఆ సినిమా ప్రమోషన్స్ ఆకట్టుకునేలా ఉన్నాయి.
నిన్నగాక మొన్న క్రేజీ స్టార్ హీరో విజయ్ దేవకొండ సూర్యకాంతం ప్రీ రిలీజ్ ఈవెంట్కి హాజరై సినిమాని పొగిడేసాడు. ఇక నిన్న విడుదలైన సూర్యకాంతం ట్రైలర్ చూస్తే సినిమా మీద ప్రేక్షకుల్లో ఆసక్తి క్రియేటయినట్లే అనిపిస్తుంది. ఈ సినిమాలో అడుగడుగునా నిహారిక డామినేషన్ కనబడుతుంది. పాత కాలంలో సూర్యకాంతం నోటికి భయపడేలా దర్శకులు ఆమెకి మాటలు రాసేవారు. అయితే దర్శకులు రాసిన డైలాగ్స్ కన్నా.. సూర్యకాంతం గయ్యాళిగా చెప్పే డైలాగ్స్ అదుర్స్ అన్న రీతిలో ఉండేవి. ఇక ఇప్పుడు ఈ మోడ్రెన్ సూర్యకాంతం కూడా నోరేసుకుని పడిపోతుంది.
రాహుల్ విజయ్ హీరోగా నటించిన ఈ సినిమాలో అందరి కళ్లు నిహారిక సూర్యకాంతం క్యారెక్టర్ మీదే ఉన్నాయి. ప్రణీత్ బ్రహ్మాండపల్లి దర్శకత్వంలో తెరకెక్కిన ఈ సినిమా మొత్తం నిహారిక చుట్టూనే తిరిగేలా కనబడుతుంది. హీరో విజయ్ని వేపుకు తినే కేరెక్టర్ లో సూర్యకాంతంగా నిహారిక రెచ్చిపోనుంది. మరి ట్రైలర్ చూశాక లక్ష్మీస్ ఎన్టీఆర్కి ఈ కాంతం గారు గట్టిపోటీ ఇచ్చేలాగానే కనబడుతుంది.
Superb Response to Niharika Suryakantham
