Advertisement

సోష‌ల్ మీడియాను వాడేస్తున్న `ఎఫ్‌2` డైరెక్ట‌ర్‌?

Tue 19th Feb 2019 06:11 PM
anil ravipudi,mahesh babu,mahesh,anil ravipudi new film title,dil raju,f3,whatsapp  సోష‌ల్ మీడియాను వాడేస్తున్న `ఎఫ్‌2` డైరెక్ట‌ర్‌?
anil ravipudi rigisterd interesting title for mahesh? సోష‌ల్ మీడియాను వాడేస్తున్న `ఎఫ్‌2` డైరెక్ట‌ర్‌?
Advertisement

ఈ సంక్రాంతికి ఎలాంటి అంచ‌నాలు లేకుండా రిలీజైన సినిమా `ఎఫ్‌2`. వెంక‌టేష్, వ‌రుణ్‌తేజ్ తొలి క‌ల‌యిక‌లో అనిల్ రావిపూడి రూపొందించిన ఈ సినిమా సూప‌ర్ హిట్‌గా నిలిచి అంద‌రిని ఆశ్చ‌ర్య‌ప‌రిచింది.  సంక్రాంతి బ‌రిలో ఈ సినిమాతో పాటు నిలిచిన‌  విన‌య విధేయ రామ‌, ఎన్టీఆర్ నాయ‌కుడు చిత్రాలు బాక్సాఫీస్ వ‌ద్ద బొక్క‌బోర్లా ప‌డితే అనూహ్యంగా `ఎఫ్‌2` భారీ వ‌సూళ్లు రాబ‌ట్టి వంద‌ కోట్ల క్ల‌బ్‌లో చేరింది. దిల్ రాజు నిర్మించిన ఈ చిత్రానికి సీక్వెల్‌గా `ఎఫ్‌3`ని కూడా తీసుబోతున్నాం అంటూ ద‌ర్శ‌కుడు అనిల్ రావిపూడి సినిమా చివ‌ర‌లో ఎండ్ కార్డ్ వేశాడు. 

అయితే ఈ సినిమా ఇచ్చిన స‌క్సెస్ క్రేజ్‌లో వున్న అనిల్ త‌న త‌దుప‌రి చిత్రాన్ని మ‌హేష్‌బాబుతో చేయ‌బోతున్నాడ‌ని గ‌త కొన్ని రోజులుగా ప్ర‌చారం జ‌రుగుతోంది. ఆ ప్ర‌చారాన్ని నిజం చేస్తూ మ‌హేష్ ద‌ర్శ‌కుడు సుకుమార్ త‌న కోసం సిద్ధం చేసిన మూడు క‌థ‌ల్ని రిజెక్ట్ చేయ‌డం ఆస‌క్తిక‌రంగా మారింది. మ‌హేష్ `మ‌హార్షి` చిత్రం త‌రువాత  సుకుమార్‌తో కాకుండా అనిల్ రావిపూడితో చేయ‌డానికే ఇష్ట‌ప‌డుతున్నాడ‌ని తేలిపోయింది. అనిల్ రావిపూడి `ఎఫ్‌2`ని తెర‌కెక్కించిన విధానం మ‌హేష్‌కు బాగా న‌చ్చింద‌ట‌. స్వ‌త‌హాగా సెట్‌లో టీమ్ అంద‌రిపై సెటైర్లు వేసే మ‌హేష్ త‌న టైమింగ్‌కి తగ్గ క‌థతో అనిల్ రావిపూడి ద‌ర్శ‌క‌త్వంలో సినిమా చేయ‌డానికి గ్రీన్‌సిగ్న‌ల్ ఇచ్చిన‌ట్లు తాజాగా వార్త‌లు వినిపిస్తున్నాయి. ఈ సినిమాను దిల్ రాజుతో క‌లిసి అనిల్ రావిపూడి నిర్మించే అవ‌కాశం వుంద‌ని ఇండ‌స్ట్రీ టాక్‌. 

ఈ సినిమా కోసం ఆస‌క్తిక‌ర‌మైన టైటిల్‌ని కూడా రిజిస్ట‌ర్ చేసిన‌ట్లు తెలుస్తోంది. భార్యా భ‌ర్త‌ల ఫ‌న్ అండ్ ఫ్ర‌స్ట్రేష‌న్ నేప‌థ్యంలో మంచి సందేశాన్ని మిక్స్ చేసి `ఎఫ్‌2` చిత్రాన్ని రూపొందించిన అనిల్ రావిపూడి ఈ ద‌ఫా ప్రిన్స్ మ‌హేష్ కోసం సోష‌ల్ మీడియాను వాడేస్తున్నాడ‌ట‌. అందుకే ఈ సినిమాకు `వాట్సాప్‌` అనే టైటిల్‌ను రిజిస్ట‌ర్ చేయించాడ‌ని ప్ర‌చారం జ‌రుగుతోంది. సోష‌ల్ మీడియా వాట్సాప్ నేటి స‌మాజాన్ని ఏ స్థాయిలో ప్ర‌భావితం చేస్తోందో అంద‌రికి తెలిసిందే. ఈ అంశాన్నే ప్ర‌ధాన క‌థావ‌స్తువుగా తీసుకుని అనిల్ రావిపూడి తాజా చిత్రాన్ని తెర‌పైకి తీసుకురాబోతున్న‌ట్లు చిత్ర వ‌ర్గాల స‌మాచారం.

anil ravipudi rigisterd interesting title for mahesh?:

anil ravipudi rigisterd interesting title?

Advertisement

Loading..
Loading..
Loading..
Advertisement