ఇప్పుడు వంశీ పైడిపల్లి పరిస్థితి ఏంటి? ఇప్పుడు వంశీ పైడిపల్లి పరిస్థితి ఏంటి?

వంశీపైడిపల్లి తన కెరీర్‌లో ఇప్పటివరకు మంచి హిట్స్‌నే ఇచ్చాడు. పెద్దహీరోల చిత్రాలను కూడా బాగా హ్యాండిల్‌ చేస్తాడనే పేరు తెచ్చుకున్నాడు. ఆయన తాజాగా నాగార్జున, కార్తిలు నటించిన పివిపి వారి భారీబడ్జెట్‌ చిత్రం 'ఊపిరి' ద్వారా బ్లాక్‌బస్టర్‌ను అందుకున్నాడు. ఆ తర్వాత పివిపివాళ్ల కోసమే మహేష్‌బాబుకు ఓ లైన్‌ వినిపించి గ్రీన్‌సిగ్నల్‌ పొందాడు. కానీ మహేష్‌బాబు ఉన్న బిజీ కమిట్‌మెంట్స్‌ వల్ల ఆ చిత్రం ఎప్పుడు ప్రారంభమయ్యేది కూడా ఎవ్వరు చెప్పలేని పరిస్ధితి. ఈమధ్య అక్కినేని అఖిల్‌ రెండో చిత్రానికి ఆయనే దర్శకత్వం వహిస్తాడన వార్తలు వచ్చాయి. కానీ అఖిల్‌ హను రాఘవపూడితో ముందుకు వెళ్లాలని డిసైడ్‌ అయ్యాడు. ఏ స్టార్‌హీరోని తీసుకున్నా అందరూ పలు వరుస ప్రాజెక్ట్స్‌లో బిజీగా ఉన్నారు. దాంతో ఏమిచేయలో వంశీపైడిసల్లికి అర్దం కావడంలేదు. అలాగని చిన్న హీరోలను, మీడియం రేంజ్‌తో సర్దుకుపోయే మనస్తత్వం కాదు అయనది. దాంతో హిట్‌ ఉన్నా ఖాళీగా ఉండాల్సిన పరిస్థితి ఏర్పడింది.