ఫ్లాప్ ఇచ్చినా.. మరో అవకాశం ఇచ్చాడు! ఫ్లాప్ ఇచ్చినా.. మరో అవకాశం ఇచ్చాడు!

దర్శకుడు కరుణాకరన్ పేరు వినగానే గుర్తొచ్చేవి మంచి రొమాంటిక్ లవ్ స్టోరీస్. పవన్ కళ్యాణ్ కెరీర్ లో మర్చిపోలేని 'తొలి ప్రేమ' వంటి హిట్ సినిమాను డైరెక్ట్ చేసిన ఈ దర్శకుడు 'డార్లింగ్','ఉల్లాసంగా ఉత్సాహంగా' వంటి మంచి ప్రేమ కథలను సినిమాలుగా రూపొందించాడు. ప్రస్తుతం కరుణాకరన్ హీరో రామ్ తో సినిమా చేయడానికి ప్లాన్ చేస్తున్నాడు. గతంలో వీరిద్దరి కాంబినేషన్ లో 'ఎందుకంటే ప్రేమంట' అనే సినిమా వచ్చింది. అయితే ఆ సినిమా ఆశించిన ఫలితాన్ని మాత్రం రాబట్టలేకపోయింది. అయినా.. ఈసారి కరుణాకరన్ చెప్పిన కథ నచ్చడంతో రామ్ ఓకే చెప్పినట్లు సమాచారం. దీంతో కరుణాకరన్ ఈ సినిమా స్క్రిప్ట్ వర్క్ పనుల్లో ఉన్నాడు. ఇదొక రొమాంటిక్ ఎంటర్టైనర్ స్టొరీ అని సమాచారం. రామ్ ప్రస్తుతం సంతోష్ శ్రీనివాస్ దర్శకత్వంలో సినిమా చేస్తున్నాడు. ఈ సినిమా తరువాత రామ్, కరుణాకరన్ ల సినిమా సెట్స్ మీదకు వెళ్లనుంది.