Advertisement

పవన్‌ చేస్తాడా...? చేస్తే సంచలనమే!

Wed 05th Aug 2015 05:01 AM
pawan kalyan,bajarangi bhaijaan,hareesh shankar,dil raju  పవన్‌ చేస్తాడా...? చేస్తే సంచలనమే!
పవన్‌ చేస్తాడా...? చేస్తే సంచలనమే!
Advertisement

బాలీవుడ్‌లో ఇటీవల విడుదలై ఘనవిజయం సాధిస్తూ, రికార్డులన్నింటినీ బ్రేక్‌ చేస్తున్న చిత్రం 'భజరంగీ భాయిజాన్‌'. కండల వీరుడు సల్మాన్‌ఖాన్‌, కరీనాకపూర్‌ జంటగా నటించిన ఈ చిత్రానికి కబీర్‌ఖాన్‌ దర్శకత్వం వహించాడు. ఓ పాకిస్థాన్‌ బాలికను తన సొంత ఇంటికి చేరుకునేందుకు ఓ భారతీయుడు సహాయం చేసే నేపథ్యంలో తీసిన ఈ చిత్రానికి ఇండియాలోనే కాదు పాకిస్థాన్‌లో కూడా అపూర్వ ఆదరణ లభిస్తోంది. ఈచిత్రానికి కథను అందించిన ఘనత రాజమౌళి తండ్రి విజయేంద్రప్రసాద్‌కు దక్కుతుంది. కాగా ఇప్పుడు టాలీవుడ్‌లో ఈ సినిమా రీమేక్‌ గురించి ఓ సంచలన వార్త అందరినోట వినిపిస్తోంది. ఈ చిత్రాన్ని తెలుగు రీమేక్‌లో పవర్‌స్టార్‌ పవన్‌కళ్యాణ్‌ నటించనున్నాడనే వార్త చక్కర్లు కొడుతోంది. హిందీలో ఈ చిత్రాన్ని నిర్మించిన నిర్మాతల్లో ఒకరైన రాక్‌లైన్‌ వెంకటేష్‌తో కలిసి ప్రముఖ నిర్మాత దిల్‌రాజు నిర్మించనున్నాడని ఆ వార్తల సారాంశం. ఈ విషయమై ఇప్పటికే చర్చలు జరుగుతున్నాయని, పవన్‌ కూడా ఈ చిత్రాన్ని స్వయంగా వీక్షించాడని సమాచారం. ఈ చిత్రం తెలుగు రీమేక్‌కు హరీష్‌శంకర్‌ దర్శకత్వం వహిస్తాడని, గతంలో సల్మాన్‌ఖాన్‌ నటించిన 'దబాంగ్‌'కు రీమేక్‌గా హరీష్‌శంకర్‌ పవన్‌కు 'గబ్బర్‌సింగ్‌' రూపంలో అత్యద్భుతైన హిట్‌ ఇచ్చిన విషయం తెలిసిందే. మరి ఈ వార్తే నిజమైతే టాలీవుడ్‌లో మరో సంచలనం సృష్టించడం ఖాయమని ఫిల్మ్‌నగర్‌ వర్గాలు అంటున్నాయి. 

Advertisement

Loading..
Loading..
Loading..
Advertisement