కమల్‌ని వెంటాడుతున్న కష్టాలు.! కమల్‌ని వెంటాడుతున్న కష్టాలు.!

ఈమధ్య కమల్‌హాసన్‌ చేసిన ప్రతి సినిమానీ ఏదో ఒక రూపంలో కష్టాలు వెంటాడుతున్నాయి. ఆమధ్య విశ్వరూపం రిలీజ్‌ విషయంలో ఎన్నో కష్టాలు, మరెన్నో ప్రాబ్లమ్స్‌ని ఫేస్‌ చేసిన కమల్‌ ఆ తర్వాత ఉత్తమ విలన్‌ రిలీజ్‌ విషయంలోనూ సమస్యలను ఎదుర్కొన్నాడు. లేటెస్ట్‌గా దృశ్యం తమిళ రీమేక్‌ పాపనాశం చిత్రానికి కూడా రిలీజ్‌ విషయంలో కొన్ని సమస్యలు ఎదురయ్యాయి. అయితే ఎవరూ ఊహించని విధంగా ఆ సమస్యల నుంచి బయటపడ్డాడు కమల్‌. ఈ సినిమా రిలీజ్‌కి మార్గం సుగమం చేసుకున్నాడు. ఇదిలా వుంటే కమల్‌హాసన్‌కి ఎంతో ఇష్టమైన విశ్వరూపం చిత్రానికి సీక్వెల్‌గా చేస్తున్న విశ్వరూపం2 రిలీజ్‌కి కూడా కష్టాలు పొంచి వున్నాయి. సినిమా కంప్లీట్‌ అయి చాలా కాలం అవుతున్నా ఈ సినిమా రిలీజ్‌కి నోచుకోలేదు. పాపనాశం తర్వాత విశ్వరూపం 2 చిత్రాన్ని రిలీజ్‌ చెయ్యడానికి కమల్‌హాసన్‌ విశ్వ ప్రయత్నం చేస్తున్నాడు. అది ఎంతవరకు సక్సెస్‌ అవుతుందో, ఈ సినిమా ఎప్పుడు ప్రేక్షకుల ముందుకు వస్తుందో కమల్‌కి కూడా తెలియదు. కాబట్టి మనం వెయిట్‌ చెయ్యక తప్పదు.