దాదా సాహెబ్ ఫాల్కే అవార్డుకే నిండుద‌నం వ‌చ్చింది: మెగాస్టార్ చిరంజీవి!
క‌ళాత‌ప‌స్వీ కె. విశ్వ‌నాథ్ కు ప్ర‌తిష్టాత్మ‌క దాదా సాహెబ్ ఫాల్కే అవార్డు ప్ర‌క‌టించిన సంగ‌తి తెలిసిందే. ఈ సంద‌ర్భంగా మెగాస్టార్ చిరంజీవి ఈ రోజు ఉద‌యం స్వ‌యంగా కె. విశ్వ‌నాథ్ ఇంటికి వెళ్లి ఆయన్ను అభినందించారు.
అనంత‌రం చిరంజీవి మాట్లాడుతూ..నాకు విశ్వ‌నాథ్ గారితో ఉన్న అనుబంధం న‌టుడు, ద‌ర్శ‌కుడ‌ని కాకుండా కుటుంబ ప‌రంగాను మంచి రిలేషన్ ఉంది. ఆయనకు ఈ అవార్డు రావ‌డం చాలా గ‌ర్వంగా ఉంది. మాట‌ల్లో చెప్ప‌లేని అనుభూతికి లోన‌వుతున్నా. అవార్డు రావాల్సిన స‌మ‌యంలో వ‌చ్చిందా? లేదా అన్న దానిపై ఇప్పుడు మాట‌లు అన‌వ‌స‌రం. ఈ అవార్డు ఆయన్ను ఎప్పుడో వ‌రించాల్సింది. కానీ కాస్త ఆల‌స్య‌మైన అవార్డు ఆయనకు రావ‌డం సంతోషంగా ఉంది. ఆయ‌న ఎలా ఫీల్ అవుతున్నారో తెలియ‌దు గానీ, మేము మాత్రం చాలా గ‌ర్వంగా ఫీల‌వుతున్నాం. ఆయనకు అవార్డు రావ‌డం తో ఆ అవార్డుకే నిండుద‌నం వ‌చ్చింది. ఈ సంద‌ర్భంగా ఆయనకు మ‌న‌స్ఫూర్తిగా శుభాభివంద‌నాలు తెలుపుతున్నా. ఎప్ప‌టికీ ఆయ‌న ఆశీస్సులు కోరే మ‌నిషినే..ఆయ‌న చిరంజీవినే... అని అన్నారు.
కృష్ణ వంశీ చిత్రం విడుదలకు సిద్ధం..!
Loading..